पाचोरा (प्रतिनिधी) शहरात जुन्या वादातून तरुणाची चाकू मारून हत्या केल्याची घटना समोर आली आहे. हेमंत संजय सोनवणे (20, जुना माहेजी नाका, महात्मा फुले नगर, पाचोरा) असे खून झालेल्या युवकाचे नाव आहे. पोलिसांनी संशयित रोहित गजानन लोणारी (20, शिव कॉलनी) यास अटक केली आहे.
याबाबत अधिक माहिती अशी की, दि. 18 फेब्रुवारी रोजी रात्री 12 वाजेच्या सुमारास छत्रपती शिवाजी महाराज चौकातून शिवजयंती निमित्त मिरवणूक निघाली व मिरवणुकीनंतर हेमंत संजय सोनवणे (20) यास शहरातील बाहेरपुरा येथे रोहित गजानन लोणारी याने खुन्नसने का पाहतो म्हणून वाद घालत पोटात चाकू मारला व संशयीत पसार झाला.
घटनेची माहिती मिळताच पोलिस निरीक्षक अशोक पवार व त्यांचे पथक घटनास्थळी दाखल झाले व त्यांनी हेमंत सोनवणे यास तात्काळ खाजगी रुग्णालयात दाखल करण्यात आले. हेमंत सोनवणे हा गंभीर जखमी असल्याने त्यास सुरूवातील शहरातील खाजगी रुग्णालयात हलवण्यात आले व प्रथमोपचार करून लागलीच जळगाव सिव्हीलला उपचारार्थ हलविण्यात आले. मात्र त्याचा उपचारादरम्यान मृत्यू झाला असून रोहित लोणारी यास पोलिसांनी ताब्यात घेतले आहे. याप्रकरणी रोहित लोणारीविरोधात खुनाचा गुन्हा नोंदविण्यात आला. तसेच पुढील तपास पोलीस निरीक्षक अशोक पवार करीत आहेत.
