चोपडा (प्रतिनिधी) गुप्त माहितीच्या आधारे आज अन्न व औषध प्रशासनाच्या पथकाने छापेमारी करत लाखोंचा गुटखा पकडला आहे. पथकाने चार दुकाने सील केली तर चार संशयितांना ताब्यात घेतले आहे.
अन्न व औषध प्रशासनाने जळगाव, धुळे, नाशिक येथील मिळून तीन वेगवेगळे पथक तयार करण्यात आले होते. या पथकाने शहरातील दर्शन पान सेंटर (प्रो. किशोर चौधरी) यांच्याकडे 1,970 रुपया गुटखा जप्त करण्यात आला. गुरुकृपा प्रोव्हिजन प्रो. दयानंद अमरलाल सिंधी यांच्याकडे 51,207 रुपयाचा मुद्देमाल जप्त करण्यात आला. महादेव स्वीट,प्रो. धनराज रूपचंद गेही यांच्याकडे 55,602 रुपयेचा मुद्देमाल जप्त करण्यात आला. नवलचं झंननालाल जैन यांच्या गोडावूनमध्ये 58,479 रुपयेचा मुद्देमाल जप्त करण्यात आला. असे एकूण 1 लाख 67 हजार रुपयांचा माल जप्त करण्यात आला आहे. ह्या चौघां संशयितांना ताब्यात घेण्यात अलाय्चेही कळते. तसेच गोडावून व दुकानांना सील करण्यात आले आहे.
जॉईन कमिशनर नाशिक डिव्हिजन, एस .बी नारागुडे,असिस्टंट कमिशनर नाशिक उदय लोहकरे,असिस्टंट कमिशन जळगाव संतोष कांबळे,फूड सेफ्टी ऑफिसर धुळे के एच बाविस्कर,फूड सेफ्टी ऑफिसर जळगाव एस एम पवार,फूड सेफ्टी ऑफिसर नंदुरबार बेबी पवार,फूड सेफ्टी ऑफिसर नाशीक जी.व्हि कासार,फूड सेफ्टी ऑफिसर नाशिक यु.आर सूर्यवंशी,वाय आर देशमुख, आदी पथकात सामील होते.
