जळगाव (प्रतिनिधी) अमोदा खुर्द येथील शेतकऱ्याकडून वरीष्ठ तंत्रज्ञ आणि कंत्राटी वायरमन या संशयितांना सहा हजार रुपयांची लाच स्वीकारताना आज अँन्टी करप्शन ब्युरो पथकाने सापळा रचून अटक केली आहे.
याबाबत वृत्त असे की, रविंद्र धनसिंग पाटील (वय-४७), प्रल्हाद उत्तम सपकाळे (वय-४१) असे लाच स्वीकारणारे आरोपींची नाव आहे. अमोदा खुर्द येथील शेतकऱ्याचे अमोदा या ठिकाणी स्वतःचे शेतामध्ये जत्रा नावाने हॉटेल आहे. या ठिकाणी विज कनेक्शन मिळण्यासाठी तरुणाने म.रा.वि.वि.कंपनी कार्यालय, जळगाव येथे अर्ज सादर केलेला होता व डिमांड नोट देखील भरलेली होती. परंतु वीज कनेक्शन जोडुन देण्यासाठी रविंद्र धनसिंग पाटील आणि प्रल्हाद उत्तम सपकाळे यांनी तरुणाकडे ७००० रूपयांची लाचेची मागणी केली. या लाचेची रक्कमेपैकी ६००० रुपये कंत्राटी याने तरुणाकडून हॉटेल जत्रा येथे पंचासमक्ष स्वीकारली. वरीष्ठ तंत्रज्ञ आणि कंत्राटी वायरमन या आरोपीना हि लाच स्वीकारताना आज अँन्टी करप्शन ब्युरो पथकाने अटक केली आहे.
यावेळी मदत पथकातील डी वाय एस पी गोपाल ठाकुर, PI. निलेश लोधी, PI. संजोग बच्छाव, पोहेकॉ. अशोक अहीरे, पोहेकॉ. सुनिल पाटील, पोहेकॉ. सुरेश पाटील, पोहेकॉ. रविंद्र घुगे, मपोहेकॉ.शैला धनगर, पोना. मनोज जोशी, पोना. सुनिल शिरसाठ, पोना. जनार्धन चौधरी, पोकॉ. प्रविण पाटील, पोकॉ. नासिर देशमुख, पोकॉ. ईश्वर धनगर, पोकॉ. प्रदिप पोळ यांनी सापळा रचत हि कारवाई केली आहे.
यांनी केले मार्गदर्शन
सुनील कडासने सो, पोलीस अधीक्षक, ला.प्र.वि, नाशिक परिक्षेत्र, नाशिक, निलेश सोनवणे सो, अपर पोलीस अधीक्षक, ला.प्र.वि, नाशिक परिक्षेत्र, नाशिक, विजय जाधव सो,पोलीस उपअधीक्षक, वाचक, ला.प्र.वि, नाशिक परिक्षेत्र, नाशिक यांनी मार्गदर्शन केले.
