धरणगाव (प्रतिनिधी) ‘हरित-धरणगाव (ग्रीन-धरणगाव) ह्या योजनेसोबतच जलदूत फाऊंडेशन धरणगाव संस्थेमार्फत दत्तक वृक्ष योजनेची सुरुवात करण्यात येणार आहे.
या योजनेची वैशिष्टे खालीलप्रमाणे
१. सदर योजनेत सहभागी होण्यासाठी एच्छुक व्यक्तींना आपल्या पूर्वजांच्या स्मृतीप्रीत्यर्थ, विवाहप्रीत्यर्थ, वाढदिवसाच्या निमित्ताने, विवाहाच्या वाढदिवसाच्या निमित्ताने एक झाड लावता येईल.
२ सदर स्मृतींना मूर्तरूप देण्यासाठी जलदूत फाऊंडेशन धरणगावमार्फत देणगीदारांच्या/नातेवाईकांच्या नावाने एक पाटी झाडाच्या संरक्षक जाळीवर लावण्यात येईल, सोबत देणगीदाराचे नाव देखील राहील.
३. सदर योजनेत सहभागी होण्यासाठी एच्छुक व्यक्तींना रु. ११०० एवढी रक्कम जलदूत फाऊंडेशन धरणगाव ह्या संस्थेला देणगी स्वरुपात द्यावी लागेल. त्यात पुढील खर्चाचा समावेश असेल-
• पूर्णतः विकसित झालेले एक रोप – रु. १००
• सरंक्षक जाळी – रु. ३००
• गांडूळ खत – रु. १००
• एका झाडासाठी वर्षभराचा पाणी व्यवस्थापन खर्च- रु. ६००
४. झाडाची देखभाल, मशागत, पाण्याची उपलब्धता याची जबाबदारी जलदूत फाऊंडेशन धरणगावची राहील. चला तर मग आपल्या आयुष्यातील एक महत्वाचा क्षण अविस्मरणीय करूया आणि जलदूत फाऊंडेशन धरणगावच्या दत्तक वृक्ष योजनेत सहभागी होवूया.
वरील योजना केवळ ५० वृक्षांसाठीच मर्यादित आहे. जलदूत फाऊंडेशन धरणगावने गेल्या एक वर्षापासून मोरया नगर आणि रामकृष्ण नगर येथे एकूण ५० वृक्ष जगवले आहेत आणि येत्या वर्षासाठी हरित-धरणगाव व दत्तक वृक्ष दोन्ही योजना मिळून एकूण १०० वृक्ष जगवण्याचा संकल्प केलेला आहे. वरील योजनेत सहभागी होण्यासाठी खालील क्रमांकावर संपर्क साधावा असे आवाहन संस्थेमार्फत करण्यात आलेले आहे.
एस. एस. पाटील सर मोबा. 7588646365, इंजि. सुनील शाह मोबा. 9960756787, नीतेश महाजन मोबा.9158468184
