जळगाव (प्रतिनिधी) स्थानिक गुन्हे शाखा अर्थात एलसीबीचे पोलीस निरीक्षक किरणकुमार बकाले यांची मंगळवारी रात्री ११ वाजता नियंत्रण कक्षात तडकाफडकी बदली करण्यात आली आहे.
पोलीस अधीक्षक प्रवीण मुंढे यांनी याचे आदेश काढले आहेत. बकाले यांनी तत्काळ नियुक्तीस्थळी हजर व्हावे असे आदेशात म्हटले आहे. तडकाफडकी बदलीचे कारण प्रशासकीय दिले असले तरी ते एका समाजाबद्दल आक्षेपार्ह बोलण्याची ऑडिओ क्लिप व्हायरल झाली असून, त्याबाबत लोकप्रतिनिधींनी केलेल्या तक्रारीमुळे ही बदली झाल्याचे बोलले जात आहे. दरम्यान, काही दिवसांपासून किरणकुमार बकाले वादात सापडले होते.
