अमळनेर (प्रतिनिधी) तालुक्यातील एका गावातील २९ वर्षीय उच्च शिक्षित तरुणीला लग्नाचे आमिष दाखवून पळवून नेत अत्याचार केला. धक्कादायक म्हणजे यानंतर संबंधित तरुणाने लग्नास नकार देत पिडीत तरुणीस एकटी सोडून पळून गेला. याप्रकरणी अमळनेर पोलिसात सचिन नाना पाटील (वय २८), याच्याविरुद्ध गुन्हा दाखल करण्यात आला आहे.
या संदर्भात पिडीत तरुणीने दिलेल्या फिर्यादीत म्हटले आहे की, सचिन पाटील सोबत पिडीतेची दोन वर्षापासून ओळख होती, तसेच दोघांमध्ये प्रेमसंबंध देखील होते. सचिन याने मागील ६ महिण्यापासून पिडीतेस लग्न करु, असे सांगून वारंवार वेगवेगळ्या ठिकाणी शारिरीक संबंध ठेवले होते. डिसेंबर महिन्यात पिडीतेचा वाढदिवस होता. त्याचदिवशी रात्री ८ वाजेच्या सुमारास सचिनने वाढदिवस साजरा केला व पळून जात लग्न करण्याचे ठरविले.
त्यानुसार दोघं जण धडगांव जि. नंदुरबार येथे गेले. याठिकाणी लग्नाचे खोटे आमिष दाखवीत सचिनने वेळोवेळी शारिरिक संबंध प्रस्थापित केले. परंतू त्यानंतर सचिनने घरच्यांच्या सांगण्यावरून लग्नास नकार देत पिडीतेस जिवे ठार मारण्याची धमकी देत दि. २० डिसेंबर रोजी दुपारी २ वाजेच्या सुमारास तळोदा निझर (गुजरात) रोडवरील एका हॉटेलजवळ एकटीला सोडून पसार झाला. यानंतर पिडीत तरुणीने अमळनेर पोलिसात येत सचिन पाटील विरुद्ध बलात्काराचा गुन्हा दाखल केला. पुढील तपास पोउपनि भगवान शिरसाठ हे करीत आहेत.
