बोदवड (प्रतिनिधी) तालुक्यातील चिखली बु ।। येथे आज सायंकाळी वीज पडून कापणी केलेला मका जळून खाक होत साधारण 70 हजारावर नुकसान झाल्याचा अंदाज आहे.
आज सायंकाळी साडेपाच वाजेच्या सुमारास हवामानात अचानक बदल होऊन जोरात वारा सुटला. त्यानंतर विजांचा कडकडाट सुरु होत तुरळक पावसाला सुरुवात झाली. यावेळी वीज पडून पंजाबराव माणिकराव सोनोने यांच्या गट क्रं १३५/१ शेतात वीज पडली आणि त्यांचा तयार करण्यासाठी कापून ठेवलेला दोन एकर मका कणसांसहीत जळून खाक झाला. यामुळे सोनोने यांचे सुमारे ७० हजार रुपयांचे नुकसान झाल्याचे अंदाज आहे. शेजारच्या शेतात जेसीबीचे काम सुरू होते. त्याचालकाने याबाबत सोनोने यांच्याशी संपर्क करून वीज पडल्याबाबत माहिती दिली. या घटनेबाबत तहसीलदार, कृषि अधिकारी यांना शेतकऱ्याने कळवले तेव्हा त्यांनी उद्या पंचनामे करण्यास संबंधित कर्मचाऱ्यांना पाठवू असे सांगितले. यावेळी शेतात मजूर तथा गुरे ढोरे नसल्याने कोणत्याही प्रकारची जिवीत हानी झाली नाही.
