पाचोरा (प्रतिनिधी) रेल्वेत नोकरी लावून देण्याचे अमिष दाखवून पाचोरा तालुक्यातील लोहार येथील ७ तरुणांची २० लाखात फसवणूक केल्याची घटना उघडकीस आली आहे. पाचोरा पोलिसात प्रकाश सोनवणे या संशयीता विरोधात गुन्हा दाखल करण्यात आला आहे. याबाबत मोहन चौधरी यांनी पाचोरा पोलिसात फिर्याद दिली आहे.
मोहन चौधरी यांनी आपल्या तक्रारीत म्हटले आहे की, आपण लोहार या ठिकाणी पत्नी छाया चौधरी, मुलगा सुरज चौधरी, सुन भाग्यश्री चौधरी यांचेसह एकत्र कुटुंबात राहतो व शेती करून परीवाराचा उदरनिर्वाह करतो. तसेच प्रकाश सोनवणे (रा. भुसावळ) यांना ओळखतो त्यांची मुलगी लोहटार ता. पाचोरा गावात दिलेली आहे. त्यामुळे त्यांचे आमचे गावात येणेजाणे असल्याने त्यास ओळखत होतो. तसेच त्याचा व्याही हिलाल गायकवाड यांच्या मध्यस्थीने त्याच्यावर विश्वास ठेवला होता व परंतु ते ही मयत झालेले आहेत.
प्रकाश सोनवणे हा भुसावळ येथे रेल्वेत नोकरीस असल्याने त्याने मला व गावातील इतर ६ लोकांना विश्वासात घेवुन त्याने सांगितले की, माझी रेल्वेतील मोठ्या अधिकाऱ्यांसोबत ओळख असल्याने मी रेल्वेत नोकरीसाठी त्यांच्या मार्फत तुमच्या मुलांची कामे करून देईल, असे सांगितले होते. सन २०१४ मध्ये प्रकाश सोनवणे हा त्याची मुलगी हिच्याकडेस लोहटार ता पाचोरा गावी आला होता. त्यावेळी त्याने तुमचा सुरज चौधरी याला रेल्वेत नोकरी लावुन देतो असे सांगितले होते. त्यासाठी त्यानेमोहन चौधरी यांच्याकडून तीन लाख घेतले होते. तसेच गावातील राहणारे इतर ६ लोकांकडून देखील त्यांच्या मुलांना रेल्वेत नोकरी लावण्याचे आमिष दाखवून पैसे घेतले.
संबधीताने मोहन चौधरी यांचे कडुन ३ लाख, मोतीलाल चौधरी यांचेकडुन ३ लाख, राजाराम राघो पाटील यांचेकडुन २ लाख आत्माराम चौधरी यांचेकडुन ३ लाख, निलेश चौधरी यांचेकडून ३ लाख रावसाहेब पाटील यांचेकडून ३ लाख, पंकज पाटील यांचेकडुन ३ लाख असा एकूण २० लाखाचा गंडा घातला आहे. फेब्रुवारी सन २०१४ मध्ये प्रकाश सोनवणे रा. भुसावळ हा लोहटार गावी आला होता, त्यावेळी त्याने तीन लाख व काम झाल्यानंतर प्रत्येकाकडुन दोन लाख द्यावे असे तो म्हणाला होता. परंतु त्याने मुलांना आजपावेतो रेल्वे विभागात नोकरी लावली नाही. त्यास दिलेले पैसे परत मागितले असता ते देखील आजपावेतो परत केलेले नाहीत, म्हणून गुन्हा दाखल करण्यात आला आहे. या घटनेचा पुढील तपा पाचोरा पोलीस निरीक्षक राहुल खताळ यांच्या मार्गदर्शनाखाली पो. कॉ. प्रकाश पाटील हे करीत आहेत.
