चोपडा (लतिश जैन) परभणी येथे एका माथेफिरूने संविधानाचे प्रतची अपमान केल्याच्या निषेधार्थ भीमसैनिकांनी मोर्चा काढला होता. मोर्चात सहभागी सोमनाथ सूर्यवंशी याला अमानुष मारहाण केल्यानंतर त्याचा कारागृहात संशयास्पद मृत्यू झाला होता. याच घटनेच्या निषेधार्थ चोपड्यात आज आंबेडकरी अनुयायी यांच्या वतीने पंचशील नगर येथून निषेध मोर्चा काढण्यात आला.
या निषेध मोर्चात मोठ्या प्रमाणावर महिला व पुरुष आंबेडकरी अनुयायी सहभागी झाले होते. या मोर्चात परभणी घटनेच्या दोषी अधिकाऱ्यांवर कारवाई करण्यात यावी तसेच दिल्ली येथे अधिवेशनात केंद्रीय गृहमंत्री अमित शहा यांनी डॉक्टर बाबासाहेब आंबेडकर यांचा अपमान केल्याने त्या घटनेच्या निषेधार्थ केंद्रीय गृहमंत्री अमित शहा यांच्या विरोधात घोषणा देण्यात आल्या. यावेळी परभणी घटनेचे दोषींवर तात्काळ कारवाई करण्यात यावी, या आशयाचे निवेदन तहसीलदारांना देण्यात आले.
