जळगाव (प्रतिनिधी) शहरातील पिंप्राळा परिसरात राहणाऱ्या विवाहितेला पैशांसाठी तसेच कौटुंबिक वादातून पतीसह सासरच्या मंडळींनी शिवीगाळ व मारहाण केली. एवढेच नव्हे तर नोकरीस अडथळा निर्माण करण्यासाठी बनावट दस्तऐवज तयार करून कामाच्या ठिकाणी पाठविले होते. हा त्रास सहन न झाल्याने पिडीत विवाहितेने रामानंद नगर पोलीस ठाण्यात पतीसह सारसच्या सहा जणांविरूध्द तक्रार दाखल केली आहे.
वैशाली रूपेश पाटील (रा. कुंभारवाडा पिंप्राळा) ह्या खासगी नोकरीला आहे. त्याचे पतीही खासगी नोकरी करतात. पिडीत विवाहितेने आपल्या तक्रारीत म्हटले आहे की, रूपेश वासुदेव पाटील यांनी पैशांसाठी शिवीगाळ करून मारहाण करायचे. तसेच खासगी नोकरी करत असल्याने पती व सासऱ्यांनी छळ करण्यास सुरूवात केली. पती रूपेश पाटील, निर्मलाबाई वासूदेव पाटील, नणंद रेखा प्रकाश देशमुख, निता सुकदेव महाजन, भारती संदीप महाजन आणि विमलबाई माळी यांनी देखील शिवीगाळ करून नोकरीस अडथळा निर्माण करण्यासाठी बनावट दस्तऐवज तयार करून कामाच्या ठिकाणी पाठविले होते. हा त्रास सहन न झाल्याने रामानंद नगर पोलीस ठाण्यात पतीसह सारसच्या मंडळीविरूध्द तक्रार दिल्याचे पिडीत विवाहितेने फिर्यादीत म्हटले आहे.
