भुवनेश्वर (वृत्तसंस्था) एक-दोन नव्हे तर १० राज्यात वेगवेगळ्या महिलांसोबत तब्बल २७ वेळा लग्न करून फसवणूक केल्याप्रकरणी एका विरुद्ध गुन्हा दाखल करण्यात आला आहे. ओडिशा पोलिसांनी (Odisha Police) एका ६० वर्षीय व्यक्तीला अटक केली असून त्याने तब्बल १० राज्यांतील २७ महिलांसोबत लग्न केल्याचं उघडकीस आलं आहे. बिभू प्रकाश स्वैन असे आरोपीचे नाव आहे.
बिभू प्रकाश स्वैन हा ओडिशातील केंद्रापाडा जिल्ह्यातील पाटकुरा येथील रहिवासी आहे. स्वेनने 10 राज्यांतील 27 महिलांशी लग्न केले. बिभू प्रकाश स्वैनने इंडो-तिबेट बॉर्डर पोलिसांच्या सहाय्यक कमांडोपासून ते छत्तीसगडचे चार्टर्ड अकाउंटंट, नवी दिल्लीतील शाळेतील शिक्षक, आसाममधील तेजपूर येथील डॉक्टर, सर्वोच्च न्यायालय आणि दिल्ली उच्च न्यायालयाचे दोन वकील, इंदूर येथील सरकारी कर्मचारी, केरळ प्रशासकीय विवाहित अशा उच्च पदस्थ महिलांसोबत लग्न केले. यासाठी त्याने Jeevansathi.com, Shaadi.com आणि Bharatmatrimony.com सारख्या मॅट्रिमोनिअल साइट्सचा वापर केला. दरम्यान, २००६ मध्ये त्याने केरळमधील १३ बँकांची १२८ बनावट क्रेडिट कार्डद्वारे १ कोटी रुपयांची फसवणूक केली होती. हैदराबादमध्ये त्याने मुलांना एमबीबीएसच्या जागा मिळवून देण्याच्या नावाखाली लोकांची २ कोटीने फसवणूक केली होती.
