धरणगाव (प्रतिनिधी) येथील शतकोत्तरी पी. आर. हायस्कूल मध्ये शिक्षक -पालक संघ आणि माता -पालक संघाची बैठक मुख्याध्यापक डॉ. संजीवकुमार सोनवणे यांच्या अध्यक्षतेखाली झाली. मंचावर शाळेचे उपमुख्याध्यापक आर. के. सपकाळे, पर्यवेक्षिका डॉ. आशा शिरसाठ, माता पालक संघाच्या सचिव वंदना डहाळे, एस.पी.तावडे शिक्षक पालक संघाचे सचिव एन. आर. सपकाळे, जी. पी. चौधरी यांची उपस्थिती होती.
यावेळी शिक्षक -पालक संघाच्या उपाध्यक्षपदी पालक सागर गोटू कासार तर माता -पालक संघाच्या उपाध्यक्षपदी पालक समता प्रशांत पगारीया यांची सर्वानुमते निवड करण्यात आली. तर सदस्य म्हणून महेश कल्याणसिंग राजपुत, गोपाल वासुदेव बडगुजर, विकास मोरावकर, इंद्रजित रामसिंग पाटील, अशोकसिंग पाटील, डी.के.पाटील, माया लक्ष्मण पाटील, वैशाली संजीव चौधरी, निर्मला शंकर पवार, शुभांगी संजय शुक्ला यांची निवड करण्यात आली.प्रास्ताविक शिक्षक संघाचे शिक्षक सचिव जी.पी.चौधरी यांनी केले. यावेळी पालकांनी मनोगत व्यक्त केले.
मुख्याध्यापक डॉ.संजीवकुमार सोनवणे यांनी शिक्षक पालक संघाचे आणि संबंधांचे महत्त्व विशद केले.त्यांच्या हस्ते नवनियुक्त पदाधिकाऱ्यांचा सत्कार करण्यात आला. यावेळी फार्मासिस्ट छोटू जाधव यांनी पालक व शिक्षकांसाठी मास्क आणि सॅनिटायझर भेट देऊन आपल्या दातृत्वाचा परिचय करून दिला. कार्यक्रमाचे सूत्रसंचालन नवनीत सपकाळे यांनी तर आभार प्रदर्शन सुरेखा तावडे यांनी केले. या बैठकीला विद्यार्थ्यांचे पालक, ज्येष्ठ शिक्षक बी. डी.शिरसाठ, कैलास वाघ, यू.एस.बोरसे, व्ही.एच.चौधरी, एनसीसी अधिकारी डी.एस.पाटील, डाॅ. वैशाली गालापुरे यांच्यासह शिक्षक व शिक्षकेतर कर्मचारी वर्ग उपस्थित होते.
