पाचोरा (प्रतिनिधी) तालुक्यातील एका गावात राहणाऱ्या २५ वर्षीय महिलेचा विनयभंग करून धमकी दिल्याची घटना उघडकीस आली आहे. याप्रकरणी पाचोरा पोलीस ठाण्यात बापूराव रामराव देवकर व अनंतराव रामराव देवकर या दोघांविरुद्ध गुन्हा दाखल करण्यात आला आहे.
यासंदर्भात अधिक असे की, दि. १ मे २०२२ रोजी सकाळी ९ वाजेच्या सुमारास बापूराव रामराव देवकर व अनंतराव रामराव देवकर यांनी एका कारणावरून २५ वर्षीय महिला तसेच साक्षीदार यांना संगणमताने शिवीगाळ करून बापूराव देवकर याने महिलेच्या सासू यांची गळयातील पोत तुटून खाली पाडून नुकसान केले. तसेच महिला व तिच्या सोबतचे ग्रामपंचायत सदस्य यांना बापुराव देवकर याने दोघांचे हात धरून ओढून ग्रामपंचायचे बाहेर निघा. असे म्हणून महिला व तिच्या सोबतची ग्रामपंचायत सदस्य यांच्या पाठीवर मारून त्यांच्या मनास लज्जा उत्पन्न होईल, असे कृत्य करून विनयभंग केला. तसेच दोन्ही आरोपीतांनी महिला व महिलेच्या सासुस तुम्ही दोघे एकटे कसे राहतात ते पाहू, अशी धमकी दिली. याप्रकरणी पाचोरा पोलीस ठाण्यात बापूराव रामराव देवकर व अनंतराव रामराव देवकर या दोघांविरुद्ध गुन्हा दाखल करण्यात आला आहे. तसेच पुढील तपास पोहेकॉ विनॊद पाटील हे करीत आहेत.
