जळगाव (प्रतिनिधी) बाहेरगावाहून उपचारासाठी दाखल झालेल्या महिला रुग्णासोबत हॉस्पिटलमधील वॉर्डबॉयने अश्लिल कृत्य करीत तिचा विनयभंग केला. ही घटना मंगळवारी सकाळच्या सुमारास जिल्हापेठ पोलीस ठाण्याच्या हद्दीतील हॉस्पिटलमध्ये घडली. याप्रकरणी संशयिताविरुद्ध गुन्हा दाखल करण्यात आला आहे.
छत्रपती संभाजी नगर जिल्ह्यातील एका गावातील २६ वर्षीय महिलेवर जळगाव शहरातील एका खासगी हॉस्पिटलमध्ये उपचार सुरू आहे. मंगळवारी सकाळी साडेनऊ वाजेच्या सुमारास हॉस्पिटलमध्ये उपचार घेत असतांना वार्डबॉय निलेश ज्ञानेश्व बाविस्कर रा. कांचन नगर याने जाणूबुजून उपचार घेण्याची काहीही आवश्यकता नसतांना महिलेच्या मनास लज्जा उत्पन्न होईल असे कृत्य करत विनयभंग केला. हा प्रकार घडल्यानंतर पिडीत महिलेने जिल्हापेठ पोलीस ठाण्यात तक्रार दिली आहे. त्यांनी दिलेल्या तक्रारीवरून संशयित आरोपी वार्डबॉय निलेश बाविस्कर याच्या विरोधात गुन्हा दाखल करण्यात आला आहे. पुढील तपास महिला पोलीस कॉन्स्टेबल वंदना राठोड करीत आहे
