जळगाव (प्रतिनिधी) – पैसे काढण्यासाठी गेलेल्या एटीएम केंद्रामध्ये कार्डची आदलाबदल करून श्रीराम संतोष जामोदकर (वय ५१, रा. न्यू सम्राट कॉलनी) यांची ९० हजार रुपयांमध्ये फसवणूक करण्यात आली. ही घटना दि. २ मे रोजी पांडे चौकातील एटीएममध्ये घडली. या प्रकरणी एमआयडीसी पोलिस ठाण्यात अज्ञाताविरुद्ध गुन्हा दाखल करण्यात आला आहे.
शहरातील न्यू. सम्राट कॉलनीत राहणारे श्रीराम संतोष जामोदकर हे खासगी नोकरी करतात. दि. १ मे रोजी पांडे डेअरी चौकातील एटीएम केंद्रात पैसे काढण्यासाठी गेले होते. दहा हजार रुपये काढल्यानंतर त्याठिकाणी एक अनोळखी व्यक्ती आल. त्याने जामोदकर यांच्याशी चर्चा केल्यानंतर तुम्हारा ट्रॉन्ॉक्शन कॅन्सल नही हुवा, आप उसे कॅन्सल करो आपका एटीएमका स्क्रिन चालू है असे तो म्हणाला. तसेच त्यानंतर पुन्हा त्या इसमाने जामोदकर यांना सव्हर का प्रॉब्लेम है आपका कार्ड एटीएम मे डालो व पीन डाल के कॅन्सल करो असे सांगितले. त्यानुसार जामोदकर यांनीकेले आणि ते तेथून निघून गेले.
हातचालाखी करीत दिले बंद एटीएमकार्ड
दि. १ मे रोजी श्रीराम जामोदकर यांना त्यांच्या बँक खात्यातून वेळोवेळी ९० हजार रुपये काढल्याचे त्यांना मॅसेज आले होते. त्यांनी दुसऱ्या दिवशी बँकेत जावून चौकशी केली असता, बँक कर्मचाऱ्यांनी त्यांच्याजवळ असलेले एटीएम कार्ड बंद असल्याचे सांगितले.
खात्री झाल्यानंतर दिली तक्रार
त्यांना एटीएममध्ये आलेल्या अज्ञात व्यक्तीनेच एटीएम अदलाबदली केल्याची खात्री झाल्यानंतर दि. ४ मे रोजी एमआयडीसी पोलिस ठाण्यात तक्रार दिली. त्यानुसार अज्ञाताविरुद्ध गुन्हा दाखल करण्यात आला आहे. तपास पोहेकॉ भगवान चौधरी करीत आहेत.
