धरणगाव (प्रतिनिधी) येथील सामाजिक कार्यकर्ते निलेश रावा माळी यांची आज चोपडा येथे श्री संत सावता माळी युवक संघ महाराष्ट्र राज्य जळगाव जिल्हा संपर्क प्रमुखपदी निवड करण्यात आली आहे.
यावेळी निवड पत्र संस्थापक अध्यक्ष सचिन भाऊसाहेब गुलदगड, प्रदेशाध्यक्ष जितेंद्र महाजन, राष्ट्रीय सचिव सुनील गुलदगड यांच्या हस्ते देण्यात आले. त्यांचा समाजात जनसंपर्क मोठा असल्याने यांची निवड करण्यात आली. त्यांच्याकडून देशसेवा समाजसेवा अध्यात्मिक सेवा घडावी यासाठी त्यांना शुभेच्छा देण्यात आल्या. चोपडा येथील माळी समाज अध्यक्ष सर्व समाज बांधव व संत सावता माळी युवक संघाचे पदाधिकारी व कार्यकर्ते आदींच्या उपस्थितीत शाल श्रीफळ पुष्पहार देऊन शुभेच्छा देण्यात आल्या. या निवडीबद्दल त्यांचे सर्वत्र कौतुक होत आहे.
