शिवसेनेच्या कार्यकारणीत महत्वपूर्ण ठराव ; बंडखोर शिंदे आणि कदम यांचे नेतेपद कायम !
मुंबई (वृत्तसंस्था) शिवसेना प्रमुख स्व. बाळासाहेब ठाकरे आणि शिवसेना हे नाव अन्य कोणालाही वापरता येणार नाही, हा महत्वाचा ठराव आज शिवसेनेच्या राष्ट्रीय कार्यकारणीच्या बैठकीत करण्यात आलेला आहे. यावेळी एकूण सहा ठराव मंजूर करण्यात आले. एकनाथ शिंदे यांच्या गटाने गुवाहाटीत बैठक घेत आपल्या पक्षाचे नाव शिवसेना-बाळासाहेब ठाकरे असे ठेवले होते. त्यानंतर झालेल्या शिवसेनेच्या राष्ट्रीय कार्यकारिणीच्या बैठकीत वरील ठराव करण्यात आला आहे. त्यामुळे शिंदे गटाची मोठी अडचण आहे.
शिवसेनेच्या कार्यकारिणी बैठकीत 5 ठराव मंजूर शिवसेना ही बाळासाहेब ठाकरे यांची होती, आहे आणि राहिल. उद्ध ठाकरेंच्या नेतृत्वावर कार्यकारिणीचा विश्वास, पक्षात निर्णय घेण्याचे त्यांना सर्वाधिकार. शिवसेनेशी गद्दारी करण्यांवर कारवाई करण्याचे पक्षप्रमुखांना अधिकार. बाळासाहेब ठाकरे आणि शिवसेना हे नाव कुणालाही वापरता येणार नाही. शिवसेनेची मराठी अस्मितेशी आणि हिंदुत्वाशी बांधिलकी कायम राहील.
१६ आमदारांवर अपात्रेतची कारवाईसाठी पत्र शिवसेनेच्या राष्ट्रीय कार्यकारिणी समितीच्या बैठकीत बंडखोर नेते एकनाथ शिंदे यांच्यावर कोणतीही कारवाई करण्यात आलेली नाही. त्यांना अभय देत शिंदे यांचे नेतेपदावरील निवड कायम ठेवलेली आहे. याशिवाय पक्षविरोधी कारवाईमुळे चर्चेत आलेले रामदास कदम यांच्यावरही पक्षाने कोणतीही कारवाई केलेली नाही. एकीकडे बंडखोरांना अभय देताना १६ आमदारांवर अपात्रेतची कारवाई करण्यासाठी विधानसभा उपाध्यक्ष नरहरी झिरवळ यांना पत्र देण्यात आलेले आहे.
