जळगाव (प्रतिनिधी) – युट्युबवर पेन्शनकार्डची ऑनलाईन ऑफरचा टाक्स दिला. त्यानंतर पाठविलेल्या लींकद्वारे पेशन कार्ड ओपन करण्यास सांगत इंजिनिअरींग महाविद्यालयातील प्रोफेसर राजेंद्र विश्वनाथ पाटील (वय ५९, रा. सदाशिवनगर) यांच्या खात्यातून ३ लाख ८५ हजार रुपये ट्रान्सफर करुन घेत त्यांची फसवणुक केली. ही घटना दि. १३ ऑगस्ट रोजी घडली होती. याप्रकरणी दि. २८ सप्टेंबर रोजी शनिपेठ पोलिसात गुन्हा दाखल करण्यात आला आहे.
शहरातील सदाशिवनगरात राहणारे राजेंद्र पाटील हे गोदावरी इंजिनिअरींग कॉलेजमध्ये प्रोफेसर आहे. दि. १३ ऑगस्ट रोजी ते युट्युब बघत असतांना त्यांना ए. यू. स्मॉल ऑफाईनन्स बँकेच्या पेन्शची अॅड दिली. त्यांनी तेथे दिलेल्या लिंकवर क्लिक केल्यानंतर त्यांना विमान प्रवासात ५० टक्के सुट व कॅश बॅक मिळेल असे अमिष दाखविले. दरम्यान, समोरील व्यक्तीला राजेंद्र पाटील यांनी मॅसेजद्वारे त्यांच्या बँक खात्याची संपुर्ण माहिती देखील सांगितल्यानंतर संबंधितांना त्यांनी त्यांचे पेन्शन खाते तयार करुन देण्याची मान्यता देखील दिली.
पैसे परत न मिळाल्यामुळे दिली तक्रार
राजेंद्र पाटील यांना शंका आल्याने त्यांनी दि. १३ रोजी सायबर पोलिसात तक्रार दिली. त्यांनी दिलेल्या तक्रारीवरुन त्यांची फसवणुकीची रक्कम परत केली जाईल याची वाट बघितली. मात्र त्यांना पैसे परत न मिळाल्यामुळे त्यांनी दि. २८ सप्टेंबर रोजी शनिपेठ पोलिसात तक्रार दिली. त्यानुसार अज्ञाताविरुद्ध गुन्हा दाखल करण्यात आला आहे. तपास पोनि डॉ. विशाल जयस्वाल हे करीत आहे.
बँक खाते हॅक करीत केले पैसे ट्रान्सफर
बँक खात्याची माहिती दिल्यामुळे राजेंद्र पाटील यांचा मोबाईल आणि बँक खाते हॅक झाले. त्यामधून दि. १३ ऑगस्ट रोजी पहिल्यांदा २ लाख ३५ हजार तर त्यानंतर वेळोवेळी पैसे ट्रान्सफर करुन घेत त्यांची ३ लाख ८५ हजार रुपयात ऑनलाईन फसवणुक केली.
