मुंबई (वृत्तसंस्था) मुख्यमंत्री उद्धव ठाकरे यांची मुंबईत सभा असून त्यांच्या सभेतून भाजपला जोरदार टोला लगावला आहे. आमचं हिंदुत्व गदाधारी आहे आणि बाकिच्यांचं घंटाधारी आहे, बसा हलवत घंटा. त्यावर देवेंद्र फडणवीस म्हणाले, यांचं हिंदुत्व हे गदाधारी नाही गधाधारी आहे. बरोबर आहे आमचं हिंदुत्व गधाधारी होतं, अडीच वर्षांपूर्वी आम्ही तुम्हाला सोडलं, असं उद्धव ठाकरे म्हणालेत.
‘जमलेल्या माझ्या तमाम हिंदु बांधवानों, भगिनीनों आणि मातांनो’ अशी सुरुवात करत उद्धव ठाकरे यांनी आपल्या भाषणाची सुरुवात केली. ज्यांना महाराष्ट्र म्हणजे काय आहे हे महाराष्ट्रात राहून कळालेलं नाही त्यांच्यासाठी बोलावं लागतं. खोटा हिंदुत्त्वाचा बुरखा घातलेला पक्ष आपल्यासोबत होता ते देशाची दिशा भरकवटत आहेत. मी मागे बोललो होतो, जे शिवसेनाप्रमुखांनी आपल्याला शिकवलं होतं, ते म्हणाले होते, की मला मंदिरात घंटा बडवणारा हिंदु नको तर अतिरेक्यांना बडवणारा हिंदु पाहिजे, तोच धागा घेऊन आपण पुढे जात आहोत.
आमचं हिंदुत्व गदाधारी आहे आणि बाकिच्यांचं घंटाधारी आहे, बसा हलवत घंटा. त्यावर देवेंद्र फडणवीस म्हणाले, यांचं हिंदुत्व हे गदाधारी नाही गधाधारी आहे. बरोबर आहे आमचं हिंदुत्व गधाधारी होतं, अडीच वर्षांपूर्वी आम्ही तुम्हाला सोडलं. आमचे काही जुने फोटो तुमच्याबरोबर येत आहेत, त्यामुळे गैरसमज झाला असेल की आमचं हिंदुत्तव हे गधाधारी आहे, पण ते आम्ही सोडून दिलं आहे. कारण उपयोग नाही. शेवटी गाढव ते गाढव, अशा शब्दांत उद्धव ठाकरेंनी टीका केली आहे.
त्यामुळे आमच्या सोबत जी गाढवं होती घोड्याच्या आवेशात त्यांना आम्ही लाथ मारली, त्या गाढवांनी लाथ मारण्याच्या आधी आम्ही त्यांना लाथ मारून बाहेर पडलो आहोत. देवेंद्र फडणवीस म्हणतात, हिंदुत्व फक्त भाजपकडे आहे मग इथे बसलेले कोण आहे. हे हिंदू काही मेलेल्या आईचे दूध पिले नाहीत. हिंदुत्वावर बोलणार आहेच. देवेंद्र मागे बोलून गेले. त्यांच्या पोटातलं बाहेर आलं. मुंबई स्वतत्र करणार. ६० पिढ्या आल्या तरी तुमच्या बापाला ते शक्य नाही, असंही उद्धव ठाकरे म्हणाले.
