धरणगाव (प्रतिनिधी) शिवसेना उपजिल्हाप्रमुख तथा धरणगावचे माजी नगराध्यक्ष पी.एम. पाटील यांनी आपल्या शिवसेना उपजिल्हाप्रमुख पदाचा राजीनामा दिला आहे.
पी.एम. पाटील सर यांनी आपल्या राजीनामा पत्रात म्हटले आहे की, जळगाव जिल्ह्याचे माजी पालकमंत्री ना. गुलाबराव पाटील यांच्या नेतृत्वावर विश्वास ठेवून आपण शिवसेना उपजिल्हाप्रमुख पदाच्या राजीनामा देत आहे. आमचे नेते गुलाबराव पाटील हे मुख्यमंत्री एकनाथराव शिंदे साहेब यांच्या नेतृत्वावर विश्वास ठेवून त्यांच्या गटात सहभागी झाले आहेत. गुलाबराव पाटील साहेब जो काही निर्णय घेतील, तो मला मान्य आहे. आमची नियमित कामे गुलाबराव पाटील साहेब हे करीत असतात. सुख दुःख असेल अडीअडचणी असतील, अशा प्रसंगी ते धावून येतात. ना. पाटील यांच्या नेतृत्वावर विश्वास ठेवूनच मी शिवसेनेत प्रवेश केला होता. धरणगाव न.पा. निवडणुकीत मी अपक्ष निवडून येऊन गुलाबराव पाटील साहेब यांच्या नेतृत्वावर विश्वास ठेवून शिवसेनेच्या सहयोगी सदस्य झालो होतो. त्यावेळेस नपामध्ये भाजप-सेनेची आघाडी होती. त्यावेळेस धरणगाव नपामध्ये मला नगराध्यक्ष केले होते. दीडशे वर्षाच्या नपा इतिहासात प्रथमच मराठा समाजाच्या नगराध्यक्ष बनवण्याच्या मान मला मिळाला होता. भविष्यात गुलाबराव पाटील साहेब जो ही निर्णय घेतील तो, आम्ही मान्य करू व त्यांच्यासोबत राहू. मी स्वखुशीने राजीनामा देत आहे, असे पी.एम.पाटील सर यांनी आपल्या राजीनाम्या पत्रात म्हटले आहे. विशेष म्हणजे थोड्यावेळा पूर्वीच शिवसेनेचे शहर प्रमुख राजेंद्र महाजन यांनी देखील राजीनामा दिला आहे.
