धरणगाव (प्रतिनिधी) येथील वंजारीकर प्रस्तुत खान्देशी राजा या युट्युब चॅनलवर वेबसिरिज व दर्जेदार गाण्यांची धमाल सुरू आहे. ‘साली नंबर वन’, ‘पायधिना बजारमा दिसनिय’, ‘चिभडयानं लगिन’, ‘रंगी छू’, ‘सटकेल जवाई’ इ. व्हिडिओला मिलियन्स व्हयूज मिळाले आहे. या चॅनलवर ९४ अहिराणी व भिलाऊ गाणे प्रसारीत झालेले असुन यावर लग्नप्रसंगी लोकांनी ताल व ठेका धरला आहे.
४८000 सबस्क्रायबर्स व २ कोटी व्हयूज मिळाल्याने चॅनल पार्टनर नवल माळी, गरबड आहिरे व विठ्ठल चौधरी यांनी समाधान व्यक्त केले आहे. नुकतेच प्रसारीत झालेले ‘गुलाबी गुलाबी गालवाली’ व ‘तूना पाय ना पैजन वाजनायं’ हे सुपरहीट धमाल गिते लग्नसराईत नक्कीच गाजत याची आम्हाला खात्री आहे. यातून मायबोली अहिराणी भाषेची सेवा व्हावी व मनोरंजनातून प्रबोधन व्हावे हा मुख्य हेतू असुन या चॅनल ला सर्वांनी भरभरुन प्रतिसाद दयावा, अशी आशा चॅनल निर्माता अशोक चौधरी यांनी व्यक्त केली आहे.
