धरणगाव (प्रतिनिधी) पंचायत समिती शिक्षण विभागाच्या वतीने तालुका स्तरावर अखिल भारतीय विज्ञान मेळावा व विज्ञान नाट्योत्सवाचे आयोजन करण्यात आले होते. या नाट्योत्सवात पी.आर.हायस्कूलला तालुका स्तरावर प्रथम क्रमांक मिळाला आहे.
या नाट्योत्सवात शतकोत्तर पी.आर.हायस्कूलच्या विद्यार्थ्यांनी शाळेचे उपक्रमशील शिक्षक श्री.नवनीत सपकाळे यांच्या दिग्दर्शनाखाली ‘लम्पी’ या आजाराविषयी सादर केलेल्या नाटकाला तालुका स्तरावर प्रथम क्रमांक मिळाला.या नाटकाची जिल्हास्तरावर होणाऱ्या नाट्योत्सवासाठी निवड झाली असून विद्यार्थ्यांच्या या यशाबद्दल शाळेचे मुख्याध्यापक डॉ. संजीवकुमार सोनवणे यांच्या हस्ते सत्कार करण्यात आला. शाळेच्या उपमुख्याध्यापिका डॉ.सौ.आशा शिरसाठ, पर्यवेक्षक कैलास वाघ आणि शिक्षक बंधू भगिनींनी विद्यार्थ्यांचे अभिनंदन केले आहे.
