जळगाव (प्रतिनिधी) चोपडा विधानसभा मतदारसंघातील शिवसेना ठाकरे गटाचे उमेदवार प्रभाकरआप्पा सोनवणे यांना आज सकाळी दूधविकाराचा त्रास जाणवला. जळगावहून चोपडा येथे प्रचाराला जात असताना कारमध्येच त्यांना त्रास जाणवू लागला. त्यानंतर तातडीने त्यांना जळगाव शहरातील एका खाजगी रुग्णालयात उपचारार्थ दाखल करण्यात आले.
या ठिकाणी डॉक्टरांनी प्रभाकर सोनवणे यांची ऍन्जिओग्राफी केली असता त्यांच्या हृदयात एक ब्लॉक असल्याचे समजले. त्यानंतर तातडीने त्यांच्यावर एन्जोप्लास्टी करण्यात आली. दरम्यान, प्रभाकरआप्पा सोनवणे यांचे मोठे चिरंजीव दिनेश सोनवणे यांनी माध्यमांशी बोलताना सांगितले की, आप्पांची प्रकृती ठणठणीत आहे आणि लवकरच ते प्रचारात सहभागी होतील. दरम्यान, प्रभाकर सोनवणे यांची प्रकृती आता चांगली असून त्यांना पाहण्यासाठी रुग्णालयात कार्यकर्ते तसेच विविध राजकीय पक्षाच्या नेत्यांनी मोठी गर्दी केली होती.
