मुंबई (वृत्तसंस्था) विरोधी पक्षनेते देवेंद्र फडणवीस यांनी मंगळवारी विधानसभेत स्टिंग ऑपरेशनसंदर्भात खुलासा केला. त्यासंदर्भात आता प्रविण चव्हाण (Pravin Chavhan) यांनी आपली प्रतिक्रीया दिली आहे. सरकार माझं नाही, कुठल्याही राजकीय पक्षाशी संबंध नाही, माझ्या कुटुंबातील कुणीही कोणत्या पक्षात नाही, माझ्या संपूर्ण कारकिर्दीत कोणत्याही निवडणुकीशी संबध नाही. त्यामुळे मुळात असं काही झालं आहे का?, असं चव्हाण म्हणाले.
प्रविण चव्हाण म्हणाले सरकार माझं नाही, कुठल्याही राजकीय पक्षाशी संबंध नाही, माझ्या कुटुंबातील कुणीही कोणत्या पक्षात नाही, माझ्या संपूर्ण कारकिर्दीत कोणत्याही निवडणुकीशी संबध नाही. त्यामुळे मुळात असं काही झालं आहे का? असा प्रश्न आहे. या व्हिडिओमध्ये कुणाचे आवाज आहेत, हे बाहेर येईलच. आपण कोणतेही व्हिडिओ पाहिले नाहीत, त्यातले आवाज ऐकलेले नाहीत. फॉरेन्सिक डिपार्टमेंट हे सगळे पुरावे तपासेल, महाराष्ट्राबाहेर सुद्धा लॅब आहेत, तिथे सुद्धा ते स्पष्ट होईल.
दरम्यान, ते म्हणाले की, मी अनेक महत्वपुर्ण केसेसमध्ये आहे. तेव्हा आरोपीला वाटतं की, या वकिलाला बाजूला केलं तर बेल मिळेल. घरकुल घोटाळ्यातील सुरेश जैनला बेल मिळाली नाही, संतोष आंबेकर या नागपुरच्या केसमधील आरोपीला देखील जामीन मिळालेला नाही. त्यामुळे ही देखील शंका या प्रकरणात येत असल्याचं चव्हाण म्हणाले. जेवढ्या केसेस माझ्याकडे आहेत, त्यातील आरोपी जेलमध्ये आहेत.
