जळगाव (प्रतिनिधी) – कारागृहातील सर्कलमध्ये बॅरेकमध्ये जाण्यास सांगितल्याच्या कारणावरून एका कैद्याने ऑन-ड्यूटी पोलीस रक्षकावर जीवघेणा हल्ला चढवला. या हल्ल्यात पोलीस रक्षकाला मारहाण केल्यामुळे त्यांच्या गणवेशाची दोन बटणे तुटली आहेत. ही घटना दि. ८ जून रोजी दुपारच्या सुमारास जिल्हा कारागृहात घडली. याप्रकरणी असून शासकीय कामात अडथळा निर्माण केल्याप्रकरणी सुनिल यशवंत नन्नवरे याच्याविरुद्ध जिल्हापेठ पोलीस ठाण्यात गुन्हा दाखल करण्यात आला आहे.
जिल्हा कारागृहत काशिनाथ कारभारी मोटे (वय २६, रा. शिव कॉलनी, जळगाव) हे जळगाव जिल्हा कारागृहात रक्षक म्हणून कार्यरत आहेत. दि. ८ जून रोजी सकाळी ६ ते दुपारी १२ वाजेदरम्यान त्यांची कारागृहातील सर्कल क्रमांक ३ मध्ये ड्युटी नेमलेली होती. सकाळी ११ ते सव्वा अकरा वाजेच्या सुमारास बंदीवानांची वेळ संपल्याने सर्व कैद्यांना आपापल्या बॅरेकमध्ये जाण्याच्या सूचना दिल्या जात होत्या. याच वेळी, चोपडा ग्रामीण पोलीस ठाण्यातील अमली पदार्थ विरोधी कायदा कलम २० ब, २२ अन्वये दाखल गुन्ह्यातील संशयित आरोपी बंदीवान सुनील यशवंत नन्नवरे हा सर्कल क्र. ३ मध्ये रेंगाळताना आढळून आला.
हल्ल्यात खाकीची दोन बटणे तुटली
या अचानक झालेल्या हल्ल्यात पोलीस रक्षक काशिनाथ नोटे यांच्या खाकी शर्टची दोन बटणे तुटली. हा प्रकार पाहून घटनास्थळी उपस्थित असलेले इतर पोलीस कर्मचारी पवन पंडित जाधव, कृष्णा शिंदे, भैय्यासाहेब पाईकराव आणि सुभेदार भारत काशिनाथ कर्पे यांनी तातडीने धाव घेत मध्यस्थी केली आणि संतप्त कैद्याला शांत करून बाजूला केले.
जिल्हापेठ पोलीसात गुन्हा दाखल
या गंभीर घटनेनंतर प्रशासकीय वर्तुळात खळबळ उडाली असून, वरिष्ठ तुरुंग अधीक्षक यांना तात्काळ या घटनेची माहिती देण्यात आली. त्यानंतर संबंधित कैद्याला तात्काळ दुसऱ्या विभक्त बॅरेकमध्ये हलवण्यात आले आहे. पोलीस रक्षक काशिनाथ मोटे यांच्या फिर्यादीवरून जिल्हापेठ पोलीस ठाण्यात आरोपी कैदी सुनील यशवंत नन्नवरे याच्याविरुद्ध शासकीय कामात अडथळा आणल्याप्रकरणी गुन्हा दाखल करण्यात आला आहे.
