जळगाव (प्रतिनिधी) – नशिराबाद ते सुनसगाव रस्त्यावरील एका शेतात झाडाखाली सुरू असलेल्या कुंटणखाण्यावर पोलिसांनी छापा टाकला. या कारवाईत कुंटणखाना चालविणाऱ्या प्रदीप जनार्दन रोटे व कैलास भोई (दोघ रा. नशिराबाद, ता. जळगाव) या दोघांना रंगेहाथ पकडले. तर – दोन पीडित महिलांची सुटका करण्यात आली. ही कारवाई – दि. २१ रोजी दुपारी नशिरावाद ते सुनसगाव रस्त्यावरील शेतात करण्यात आली.
तालुक्यातील नशिराबाद ते – सुनसगाव रस्त्यावरील शेतात कुंटणखाना सुरु असल्याची माहिती नशिराबाद पोलीस ठाण्याच्या प्रभारी सपोनि योगिता नारखेडे यांना मिळाली. त्यानुसार कारवाईसाठी एएचटीयूचे पथकातील सपोनि माधुरी बोरसे, उपनिरीक्षक दिनेश बडगुजर, सफौ राजेश पाटील, पोहेकॉ जितेंद्र पाटील, अर्चना करडईकर, वाहीदा तडवी, राखी खाटीक, नशिराबादचे प्रवीण विरणारे, भरत बाविस्कर, गुणवंत देशमुख, पंकज सोनवणे, सागर बिडे, प्रवीण लोहार व भूषण पाटील, विशाखा कोकरे यांचे पथक रवाना केले. या पथकाने डमी ग्राहकाला पाठविल्यानंतर त्याने इशारा करताच सापळा रचून बसलेल्या पथकाने छापा टाकला.
कुंटणखाना चालविणाऱ्या दोघांना अटक
शेतात छापा टाकल्यानंतर कारवाई दरम्यान प्रदीप जनार्दन रोटे व कैलास संजय भोई (दोघेही रा. नशिराबाद) यांच्या सांगण्यावरून तेथे कुंटणखाना सुरू असल्याचे निष्पन्न झाले. त्यानंतर दोन्ही आरोपींना अटक करण्यात आली तसेच दोन पीडित महिलांची सुटक करण्यात आली असून गुन्ह्यार्श संबंधित ९१ हजार ६० रुपयांच मुद्देमाल हस्तगत करण्यात आल आहे. तपास सहाय्यक पोलीस निरीक्षक योगिता नारखेडे करीत आहेत.
