मुंबई (वृत्तसंस्था) नियमांचं उल्लंघन केल्याप्रकरणी रिझर्व्ह बँक ऑफ इंडियाने चार सहकारी बँकांना दंड ठोठावला आहे. यातील दोन बँका मुंबईच्या आहेत. आंध्र प्रदेश महेश सहकारी अर्बन बँक, अहमदाबाद मर्केंटाईल को-ऑपरेटिव्ह बँक, एसव्हीसी सहकारी बँक आणि सारस्वत सहकारी बँक अशा बँकांवर कारवाई करण्यात आली आहे. आरबीआयने मंगळवारी हैदराबादमधील आंध्र प्रदेश महेश को-ऑपरेटिव्ह अर्बन बँकेवर ११२.५० लाखांचा दंड आकारला.
हैदराबादस्थित आंध्र प्रदेश महेश सहकारी अर्बन बँकेला आरबीआयने मंगळवारी ११२.५० लाखांचा दंड ठोठावला. याशिवाय नियमांचे उल्लंघन केल्याबद्दल अहमदाबाद मर्केंटाईल सहकारी बँकेला ६२.५० लाख, मुंबईच्या एसव्हीसी सहकारी बँकेला. ३७.५० लाख रुपये आणि मुंबईच्या सारस्वत सहकारी बँकेला २५ लाख रुपये दंड ठोठावण्यात आला आहे.
केंद्रीय बँकेच्या म्हणण्यानुसार, ‘ठेवीवरील व्याज दर’ आणि ‘तुमचा ग्राहक जाणून घ्या’ संबंधित आरबीआयच्या सूचनांचे पालन न केल्यास आंध्र प्रदेश महेश सहकारी अर्बन बँकेला हा दंड आकारण्यात आला आहे. तर अहमदाबाद मर्केंटाईल को-ऑपरेटिव्ह बँकेला ‘ठेवीवरील व्याजदराच्या’ मास्टर निर्देशात मानदंडांचे उल्लंघन केल्याबद्दल दंड आकारण्यात आला आहे.
‘ठेवीवरील व्याज दर’ आणि ‘फसवणूक मॉनिटरींग आणि रिपोर्टिंग मॅकेनिझम’ च्या निर्देशांचे पालन न केल्यास एसव्हीसी सहकारी बँकेला दंड आकारण्यात आला असल्याचे आरबीआयने म्हटले आहे. दुसरीकडे, ‘ठेवीवरील व्याज दर’ आणि ‘ठेव खाती देखभाल’ यावरील सूचनांचे पालन न केल्याबद्दल सारस्वत सहकारी बँकेला दंड ठोठावण्यात आला आहे.
याआधीही तीन सहकारी बँकांवर कारवाई
दरम्यान काही दिवसांपूर्वीच रिझर्व्ह बँकेने तीन सहकारी बँकांविरोधात कारवाई केली होती. आरबीआयने २२ जून रोजी तीन सहकारी बँकांवर विविध नियमांचं उल्लंघन केल्याप्रकरणी २३ लाख रुपयांचा दंड आकारला होता. आरबीआयने मोगावीरा सहकारी बैंक लिमिटेडवर १२ लाख रुपये, इंदापूर शहरी सहकारी बँकेवर १० लाख रुपये आणि बारामती सहकारी बँक लिमिटेड, बारामतीवर १ लाख रुपयांचा दंड ठोठावला होता.
