जळगाव (प्रतिनिधी) भाजपमधून बाहेर पडून शिवसेनेला पाठींबा देण्याचा निर्णय हा शहराच्या विकास कामांसाठी घेतला. कोणत्याही प्रकारचा घोडे बाजार झालेला नाही, अशा पतिक्रिया भाजप मधून अगोदर बाहेर पडलेल्या नऊ नगरसेवकांनी आज व्यक्त केल्या.
उपमहापौर कुलभुषण पाटील यांनी आज महापालिकेत येवून पदभार स्वीकारला आहे. काल महापौर, उपमहापौर निवडीवेळी पाटील मुंबईत होते. ऑनलाईन मतदान त्यांनी केले होते. आज ते मुंबईवरून आल्यानंतर महापालिकेत पदभार घेतला. राष्ट्रवादी काँग्रेसचे जिल्हाध्यक्ष अॅड. रविंद्र पाटील यांनी कुलभुषण पाटील यांचा सत्कार केला.
शहरातील आमच्या प्रभागातील विकास कामे ठप्प झाली होती. अडीच वर्षाच्या काळात रस्त्यांसह इतर विकास कामे झालेली नाही. आगामी अडीच वर्षात भाजपमध्ये राहिलो तर होणार नाही. यामुळे आम्ही नऊ जणांनी एकत्र येत, भाजपमधून बाहेर पडून शिवसेनेला पाठींबा देण्याचा निर्णय हा शहराच्या विकास कामांसाठी घेतला. कोणत्याही प्रकारचा घोडे बाजार झालेला नाही, अशा पतिक्रिया भाजप मधून अगोदर बाहेर पडलेल्या (बंडखोर) नऊ नगरसेवकांनी आज व्यक्त केल्या. ते म्हणाले की, आम्ही कामे घेवून माजीमंत्री गिरीश महाजन यांच्याकडे, आमदार सुरेश भोळे यांच्याकडे जायचो. मात्र आम्हाला केवळ आश्वासने मिळायची कामे होत नसे. जी कामे झाले ती ठरावीक नगरसेवकांच्या वार्डात झाली. मग आपल्या वार्डाचे काय. मतदारांना काय उत्तरे द्यावयाची, अडीच वर्षानी कोणेते मुद्दे घेवून लोकांसमोर जावयाचे. यामुळे बंडखोरी करून शिवसेनेला पाठींबा द्यायचा. यामुळे राज्यातून विकास कामांसाठी निधीही येईल. विकास कामेही होतील. या चांगल्या कामासाठी आमची बंडखोरी आहे.
यावेळी माजी उपमहापौर सुनिल खडके, नगरसेवक चेतन सनकत, नगरसेवक नवनाथ दारकुंडे, नगरसेवक नगरसेवक अॅड. दिलीप पोकळे, नगरसेवक सचिन पाटील, नगरसेविका पती सुधीर पाटील, नगरसेविका पती कूंदन काळे हे भाजप बंडखोरी केलेल उपस्थित होते. गजानन मालपूरे, सुनिल माळी, लाडवंजारी आदी यावेळी उपस्थित होते.