धरणगाव (प्रतिनिधी) येथील बालकवी ठोंबरे प्राथमिक शाळा व सारजाई दामोदर कुडे माध्यमिक विद्यालयात गेल्या एक महिन्यापासून सर्व विद्यार्थ्यांचे सामूहिक रामरक्षा पठनाचा निरंतर सराव सुरू आहे.
येणाऱ्या 22 जानेवारी रोजी होणाऱ्या अयोध्या येथे प्रभू श्री रामचंद्र यांच्या प्राणप्रतिष्ठा सोहळ्या निमित्त शहरात शाळेचे शेकडो विद्यार्थी सार्वजनिक ठिकाणी रामरक्षा म्हणून या अविस्मरणीय सोहळ्याचे साक्षीदार होण्याचा हा संकल्प आहे. या माध्यमातून विद्यार्थ्यांच्या सर्वांगीण विकास तसेच संस्कृत वाचनाची आवड निर्माण व्हावी उद्देशाने मुलांनी रामरक्षा केवळ वाचनच नाही तर पाठांतरही केली. जवळ-जवळ 175 विद्यार्थी आजही तोंडीपाठ रामरक्षा म्हणतात.
यासाठी सेवानिवृत्त संस्कृत शिक्षक मा. एम.जी.उपासनी सर यांच्या मार्गदर्शनाने तसेच शाळेतील सांस्कृतिक विभाग प्रमुख कैलास माळी सर व सदस्या श्रीमती सरोज तारे मॅडम व सर्व शिक्षक, शिक्षिका व शिक्षकेतर कर्मचारी हे विद्यार्थ्यांना मार्गदर्शन करीत आहेत. यासाठी मुख्याध्यापक जीवन पाटील व माध्यमिक मुख्याध्यापक एस.एस. पाटील यांनी विद्यार्थी व शिक्षकांना प्रोत्साहन दिले.
