धरणगाव (प्रतिनिधी) महाराष्ट्र राज्याचे मुख्यमंत्री एकनाथराव शिंदे हे आपल्या सर्व आमदार व मंत्र्यांसोबत आयोध्या दौऱ्यावर जात आहेत. जळगाव जिल्ह्याचे पालकमंत्री गुलाबराव पाटील हे देखील त्यांच्यासोबत जात असून या दौऱ्यासाठी त्यांना साळवा ग्रामपंचायतने शुभेच्छा दिल्या आहेत.
साळवा ग्रामपंचायत सरपंच आशाताई संजय कोल्हे व त्यांचे सर्व ग्रामपंचायत सदस्य, उपसरपंच सतीश पवार, शिवसेनेचे प्रवक्ते पी.एम. पाटील, तालुका संघटक हेमंतभाऊ चौधरी, महिला तालुकाप्रमुख प्रिया इंगळे, ग्रामपंचायत सदस्य कुणाल इंगळे, भूषण ब्रह्याटे, बईमाबी पटेल, कल्पना इंगळे, चंद्रलेखा पवार, संजय कोल्हे, पंढरी इंगळे यांनी पालकमंत्री गुलाबराव पाटील यांना आयोध्या दौऱ्यानिमित्त शुभेच्छा देऊन त्यांचा सत्कार केला. मुख्यमंत्री एकनाथ शिंदे व राज्यातील सर्व मंत्री, आमदार आयोध्या येथे राम लल्लांचे दर्शन घेऊन राम मंदिराच्या सुरू असलेल्या बांधकामाची पाहणी करणार आहेत.
