जळगाव प्रतिनिधी । जिल्ह्यातून वाळू तस्करीवर बंदी असतांना छुप्पा रास्ताने वाहतुक करत आहेत. यासंदर्भात पोलिसांना माहिती मिळाली असून पोलिसांनी काही दिवसापूर्वी एक वाळुने भरलेला ट्रक्टर जप्त केला. संबंधित ट्रक मालका तहसीलदारांना १ लाख १९ हजार ६४६ रूपयांचा दंड ठोठावला आहे.
याबाबत अधिक माहिती अशी की, शेख अजीज शेख अस्लम (रा. पाळधी) असे ट्रॅक्टर मालकाचे नाव असून याला शनिवारी १ लाख १९ हजार ६४६ रुपयांचा दंड तहसीलदारांनी ठोठावला. टॅक्टरमध्ये वाळु दिसू नये म्हणून वाळुच्यावर खडीचा ‘लेयर’ पसरवला जातो आहे. एमआयडीसी पोलिसांनी अशाच प्रकारे वाळुचाेरी करणारा एक ट्रक्टर ३० सप्टेंबर रोजी रात्री जप्त केला.
सहाय्यक पोलिस उपनिरीक्षक आनंदसिंग पाटील, जितेंद्र राजपूत हे ३० सप्टेंबर रोजी रात्री एमआयडीसी पोलिस ठाण्याच्या हद्दीत पेट्रोलिंग करीत असताना गणेश अशोक कुंभार (वय २३, रा.पाळधी, ता.धरणगाव) हा विनाक्रमांकाच्या ट्रॅक्टरसह मिळुन आला. चौकशी केली असता ट्रॅक्टरमध्ये दोन ब्रास वाळु होती. वाळु वाहतूकीची कोणतीही परवानगी त्याच्याकडून नव्हती. ट्रॅक्टरमध्ये वाळु असल्याचे दिसू नये म्हणून वरच्या बाजुला खडीचा लेयर परवलेला होता. ही वाळु निमखेडी येथील गिरणापात्रातून चोरी करुन आणलेली असल्याचे चाैकशीअंती निष्पन्न झाल्या. त्यानुसार पोलिसांनी हा ट्रॅक्टर जप्त केला आहे. पुढील कारवाईसाठी तहसिलदार यांच्याशी पत्रव्यवहार केला होता. त्यानुसार शनिवारी दंड करण्यात आला
