नशिराबाद (प्रतिनिधी) येथील न्यू इंग्लिश स्कूल प्राथमिक विद्यामंदिरात साने गुरुजी जयंती साजरी करण्यात आली. सर्वप्रथम विद्यालयाचे मुख्याध्यापक प्रविण महाजन व उपशिक्षिका मंगला चौधरी यांच्या हस्ते साने गुरूजी यांच्या प्रतिमेचे पूजन करण्यात आले.
त्यानंतर तुषार रंधे यांनी साने गुरुजी यांच्या जीवना बद्दल थोडक्यात माहिती सांगितली तसेच शितल चावरे यांनी श्यामची आई या पुस्तकातील शाम वर केलेल्या संस्कारित गोष्टी सांगितल्या तर शिल्पा पाठक यांनी खरा तो एकची धर्म ही प्रार्थना सादर केली. या कार्यक्रमाचे नियोजन स्वाती रोटे व मंगला पिंगळे यांनी केले.
