धरणगाव (प्रतिनिधी) शहरातील मध्यवर्ती भागातील झुमकराम सार्वजनिक वाचनालयाच्या जागेतील दोन गट संत सावता माळी शिक्षण संस्थेसाठी आरक्षित होते. परंतू पालिका प्रशासनाने संस्थेला अंधारात ठेऊन बांधकाम सुरु केले आहे. बांधण्यात येणाऱ्या व्यापारी संकुलात शाळेसाठी एक मजला आरक्षित करावा किंवा संस्थेला दुसरी जागा द्यावी. अन्यथा भाजप स्टाईल आंदोलन उभे करावे लागेल, असा इशारा भाजप ओबीसी आघाडीचे जिल्हाध्यक्ष अॅड.संजय महाजन यांनी दिला आहे. एवढेच नव्हे, तर या जागेबाबत लवकरच पुराव्यासकट मोठा गौप्यस्फोट करणार असल्याचेही अॅड.महाजन यांनी सांगितले आहे.
शहरातील मध्यवर्ती भागातील झुमकराम सार्वजनिक वाचनालयाच्या जागेतील दोन गट संत सावता माळी शिक्षण संस्थेसाठी आरक्षित होते. जिल्हाधिकाऱ्यांच्या परवानगीने संबंधित जागा भाडेतत्वावर जागा देण्याचा ठरावही पालिकेत मंजूर झाला होता. त्यामुळे पालिका प्रशासनाने व्यापारी संकुलातील एक संपूर्ण मजला शाळेसाठी राखीव करावा. अन्यथा शाळेला पर्यायी जागा द्यावी, अशी मागणी संस्थेने केली होती. परंतू मागणी फेटाळून लावत पालिका प्रशासनाने बांधकाम सुरूच ठेवेले आहे. एवढेच नव्हे तर बांधकामाला स्टे मिळू नये म्हणून न्यायालयात आधीच कॅव्हेट करून ठेवली आहे. परंतू शिक्षण संस्थेला न्याय मिळत नाही, तोपर्यंत आमचा लढा सुरूच राहील. न्यायालयासह रस्त्यावर देखील आम्ही हक्काची लढाई सुरु करू.संस्थेची जागा कुणालाही गिळंकृत करू देण्यात आम्ही यशस्वी होऊ देणार नाहीत. पालिका प्रशासनाने गावातील विद्यार्थांचे हित लक्षात घेता, व्यापारी संकुलनातील एक मजला शाळेसाठी राखीव ठेवावा. जेणे करून गरीब विद्यार्थ्यांचे भविष्य सुधरेल. परंतू पालिका प्रशासन प्रेमाने ऐकत नसेल तर आम्हाला रस्त्यावर उतरावे लागेल, असाही इशारा भाजप ओबीसी आघाडीचे अॅड.संजय महाजन यांनी दिला आहे. तर दुसरीकडे याच जागेबाबत श्री. महाजन पुराव्यासकट नेमका कोणता मोठा गौप्यस्फोट करणार आहेत?, याकडेही सर्वांचे लक्ष लागून आहे. दरम्यान, शिक्षण संस्थेची जागा गिळकृत करून तिथं व्यापारी संकुल उभे केले जात असल्यामुळे धरणगावातील सुज्ञ नागरिकांमध्ये तीव्र नाराजी पसरली आहे.
