अमळनेर (प्रतिनिधी) तालुक्यातील आदर्श गाव सुदंरपट्टीचे लोकनियुक्त सरपंच सुरेश पाटील यांनी आज शिवसेना उपनेते, जळगाव जिल्ह्याचे पालकमंत्री व पाणीपुरवठा व स्वच्छता मंत्री ना. गुलाबरावजी पाटील यांच्या हस्ते पाळधी येथे भगवा फटका घालून अमळनेर शिवसेनेत प्रवेश केला.
सुरेश पाटील हे अमळनेर तालुका सरपंच संघाचे तालुका अध्यक्ष असून सुंदरपट्टी ग्रामपंचायतीत त्यांचे पूर्ण पॅनल विजयी झालेले आहे. लवकरचं त्यांचे सोबत तालुक्यांतील अनेक सरपंच, ग्रामपंचायत सदस्य व विविध सोसायटी सदस्य मोठ्या कार्यक्रमाद्वारे प्रवेश घेणार आहेत. त्यांच्या प्रवेशाने ग्रामीण भागात शिवसेना वाढीसाठी फायदेशीर ठरणार आहे. अमळनेर शिवसेना पदाधिकारिनी त्यांच्या प्रवेशाचे स्वागत केले आहे. यावेळी सदर प्रसंगी शिवसेनेचे जिल्हाप्रमुख भाऊसो गुलाबरावजी वाघ ,अमळनेर तालुकाप्रमुख विजू मास्तर,शहरप्रमुख संजय पाटील उपस्थित होते.
