वाशीम (वृत्तसंस्था) मानोरा पोलीस स्टेशन अंतर्गत येत असलेल्या माहुली येथील ग्राम रुपयांची पंचायतीच्या महिला सरपंच व त्यांचा पती १३ हजाराची लाच घेताना एसीबीच्या जाळ्यात वाशीम अडकले. ही कारवाई आज १६ रोजी करण्यात आली. कार्बाई विष्णू राठोड व विष्णू केलेल्या मंगु राठोड असे अटकेतील यांचे पतीपत्नीचे नाव आहे.
लाच लुचपत प्रतिबंधक विभागाकडे आलेल्या तक्रारीनुसार तक्रारदार व त्यांच्या एका नातेवाईक यांनी घरकुलांसाठी अर्ज केला होता. या दोन घरकुलांच्या फाईलवर सही करण्याकरिता ४ हजार रुपये, तसेच तक्रारदाराच्या नातेवाईकाच्या दोन विहिरींच्या फाईलवर सही करण्याकरिता १० हजार, अशा १४ हजार रुपयांची मागणी सरपंचाने केली. तडजोडीअंती तक्रारदार व त्यांच्या नातेवाईकाने १३ हजार देण्याचे मान्य केले. मात्र यासंदर्भातील तक्रार लाच लुचपत प्रतिबंधक विभागाला ९ नोव्हेंबर रोजी तक्रार दिली.
या तक्रारीवरून आज गुरुवारी सापळा रचण्यात आला व १३ हजारांची लाच स्वीकारताना सरपंचाचे पती विष्णु राठोड यांना पोलिसांनी ताब्यात घेतले. संशयित आरोपींविरुद्ध मानोरा पोलिस ठाण्यात गुन्हा दाखल करण्यात आला असून एसीबीचे पोलिस उपअधीक्षक गजानन शेळके यांच्या मार्गदर्शनाखाली पोलिस निरीक्षक बालाजी तिप्पलवाड, सुजित कांबळे, एएसआय दुर्गादास जाधव, असिफ शेख, राहुल व्यवहारे, संदीप इडोळे, समाधान मोघाड, मिलिंद चन्नकेसला यांनी ही कारवाई केली.
