मुंबई (वृत्तसंस्था) शिवसेना ठाकरे गटाचे नेते आणि आमदार आदित्य ठाकरे यांच्याविरुद्ध मुंबईतील एन.एम. जोशी पोलीस स्थानकात गुरुवारी मध्यरात्री गुन्हा दाखल करण्यात आला.
डिलाई रोड ब्रिजच्या लेनचे उद्घाटन केल्याप्रकरणी आदित्य ठाकरेंसह पदाधिकाऱ्यांवर गुन्हा दाखल करण्यात आला आहे. मुंबई महापालिकेच्या रोड डिपार्टमेंटच्या तक्रारीनंतर एन.एम. जोशी पोलीस स्टेशनमध्ये हा गुन्हा दाखल करण्यात आला आहे. डिलाई रोडवर इतर कामे अपूर्ण असताना आणि साधारणपणे सात दिवसानंतर या ब्रिजचं काम पूर्ण करून लेन सुरू करण्याचे नियोजन मुंबई महापालिकेने केले होते. परंतू अशाप्रकारे उद्घाटन करणे बेकायदेशीर असल्याचं मुंबई महापालिकेच्या प्रशासनाचा आरोप आहे. महापालिकेच्या नियोजित उद्घाटनापूर्वीच आदित्य ठाकरेंनी या पुलाचं उद्घाटन करून त्यावरून वाहतूक सुरू केल्याचा आरोप आहे.
