यवतमाळ (वृत्तसंस्था) पूजा चव्हाण या तरूणीच्या हत्येचा आरोप असलेले माजी वनमंत्री संजय राठोड यांना धक्का देणारी एक बातमी समोर येत आहे. राठोड यांनी शिवसेनेशी गद्दारी केल्याने त्यांचे पूजा चव्हाण प्रकरणातील पुरावे समोर आणू. या प्रकरणातील 56 मिनिटांची ती सीडी आपल्याकडे आहे, असा दावा शिवसेनेचे जिल्हाप्रमुख राजेंद्र गायकवाड यांनी यांनी केला आहे.
राठोड यांनी शिवसेनेशी गद्दारी केल्याने त्यांचे पूजा चव्हाण प्रकरणातील पुरावे समोर आणू. या प्रकरणातील 56 मिनिटांची ती सीडी आपल्याकडे आहे, असा दावा गायकवाड यांनी केला आहे. या सीडीमध्ये बंजारा समाजाची मुलगी राठोड यांनी कशी मारली हे उघड होईल, असा गौप्यस्फोट गायकवाड यांनी केला आहे. पूजा चव्हाण या तरूणीवर राठोडांनी केलेले अत्याचार आम्हाला माहित आहेत. त्याचा पर्दाफाश केला जाईल, असंही गायकवाड यांनी जाहीर केलं आहे. राठोडांवर टीका करणारे भाजपचे नेते, चित्रा वाघ आता त्यांच्यासोबत कसे बसतील?, असा प्रश्नही त्यांनी उपस्थित केला. राठोडांनी माघारी येऊन माफी मागितली नाही तर जिल्ह्यात फिरू देणार नाही, असा इशारा गायकवाड यांनी जाहीर कार्यक्रमातून दिला आहे.
