धरणगाव (प्रतिनिधी) शहरातील विविध भागातील कर थकबाकीदार व्यावसायिक मालमत्तांवर जप्तीची कार्यवाही करुन काल नऊ मालमत्ता सिल करण्यात आल्या. या कार्यवाहीत रक्कम रुपये २.८०,००० मात्र एवढा कराचा भरणा झाला.
सद्या व्यवसायिक मालमत्तांवर सुरु असलेली जप्तीची कार्यवाही येणाऱ्या काही दिवसात निवासी मालमत्तांवर देखील करण्यात येणार असल्याचे मुख्याधिकारी जनार्दन पवार यांनी सांगितले. तरी सर्व मालमत्ताधारकांनी तात्काळ कराचा भरणा न. पा कार्यालयात करण्याचे आवाहन मुख्याधिकारी श्री.जनार्दन पवार यांनी केले.
सदर पथक मुख्याधिकारी जनार्दन पवार यांच्या मार्गदर्शनाखाली करनिरीक्षक प्रणव पाटील, अनिल पाटील, भगवान माळी, जितेंद्र वाघमारे, प्रविण देशपांडे, दिपक वाघमारे, सिकंदर पारधी, इनायत अली, सुरेश चौधरी, मुजम्मील शेख, वसंत चव्हाण, राजेंद्र शिंदे, केशव पैठणकर, सुरेश सोनवणे यांनी कारवाई केली.
