गोंदिया (वृत्तसंस्था) घरा शेजारी राहणाऱ्या नातेवाईकांसोबत सततच्या होणाऱ्या वादातून एकाने चक्क आपल्या पुतण्याची बायको आणि वाहिनीवर प्राणघातक हल्ला केला. या हल्ल्यात सुनीता दिनेश ठाकरे (वय ३५, रा. देवरी) यांचा मृत्यू झाला तर रीमनबाई प्रेमलाल ठाकरे (वय ६०, रा. देवरी) ह्या गंभीर जखमी झाल्यात आहेत.
गोंदिया तालुक्यातील देवरी (धापेवाडा) येथील आरोपी प्रीतमलाल सहेसराम ठाकरे (वय ५५) क्षुल्लक कारणावरून भावाघरच्या मंडळींसोबत वाद करायचा. या वादात तो ‘ठार मारीन अन् जेल भोगून येईल’, असे नेहमी म्हणायचा. २४ सप्टेंबर रोजी मृतक सुनीता ठाकरे व तिची सासू रिमनबाई ठाकरे या दोघीही घरीच होत्या. तिचे पती झिटाबोडी येथे गेले होते. तर, सासरे शेतात गवत आणायला गेले होते. यावेळी आरोपी प्रीतमलाल ठाकरे याने वाद सुरू केला.
गवतावरून सुरु झालेल्या वाद थेट खुनावर येऊन ठेपला. गवतावरून झालेल्या वादात आरोपी प्रीतमलालने कुऱ्हाड आणून आणून सुनीताच्या गळ्यावर, डोक्यावर सपासप बार केले. रक्ताच्या थारोळ्यात पडलेल्या सुनीताचा क्षणार्धात मृत्यू झाला. तो इतक्यावरच थांबला नाही, तर त्याने आपल्या हातातील कुऱ्हाड रिमनबाई यांच्यावर उगारली. यात त्यांचा एक कान छाटल्या गेला. त्यांना गंभीर जखमी अवस्थेत उपचारासाठी गोंदियाच्या शासकीय वैद्यकीय महाविद्यालयात दाखल आहेत.
पाच- सहा महिन्यांपूर्वी आरोपी प्रीतमलाल व मृत सुनीता यांच्यात वाद झाला होता. या वादात आरोपीने तुला ठार केल्याशिवाय राहणार नाही, अशी धमकी दिली होती. तुम्हाला ठार करीन अन् जेल भोगून येईन, असे तो नेहमीच भांडण करुन बोलत होता. यातूनच त्याने सुनीताचा खून केला.
दरम्यान, गोंदिया तालुक्याच्या गिरोला येथे एका नातेवाइकाच्या घरी तेरवीचा कार्यक्रम होता. त्या कार्यक्रमाला जाण्याची तयारी प्रेमलाल ठाकरे व रिमनबाई ठाकरे यांची होती. जनावरासाठी गवत आणतो. त्यानंतर तेरवीला जाऊ, असे प्रेमलाल यांनी पत्नी रिमनबाई यांना सांगून ते शेतात गवत आणायला गेले होते. परंतु, शेतातून घरी परतताच प्रेमलाल यांना सुनेचा मृतदेह रक्ताच्या थारोळ्यात पडलेला दिसला. तर त्यांची पत्नी गंभीर जखमी अवस्थेत तडफडत होती.
