परळी (वृत्तसंस्था) राज्य गुप्तचर विभागात कार्यरत असलेल्या सहाय्यक पोलीस निरीक्षकाचा दोन तुकडे झालेला मृत देह परळी वैजनाथ येथील रेल्वे स्थानकानजीक असलेल्या उड्डाणपूलाजवळ रुळावर आढळून आल्याने परळी घटनेने एकच खळबळ उडाली आहे. ही घटना शनिवार दि. ९ मार्च रोजी सकाळी ७ च्या सुमारास उघडकीस आली आहे.
परळी रेल्वेस्टेशन मास्तर यांनी शनिवार दि.९ मार्च रोजी सकाळी ६ वाजेच्या सुमारास रेल्वे पोलीस स्टेशनमध्ये रेल्वेगाडीखाली एका व्यक्तोचा मृतदेह आढळून असल्याची माहिती पोलिसांना कळविली. यावरून सहाय्यक पोलीस निरीक्षक परमेश्वर सोगे, पोलीस उपनिरीक्षक सावळे, जमादार बाबासाहेब फड, राजू राठोड, सातपुते व इतर कर्मचाऱ्यांनी घटनास्थळी भेट दिली.
उड्डाणपुलाजवळ एका व्यक्तीचा दोन तुकडे झालेला मृतदेह आढळून आला.
रेल्वे पोलीसचे एपीआय परमेश्वर सोगे यांनी दिलेले शुक्रवारी काही महिन्यांपूर्वी बीड येथून बदली होऊन सध्या पुणे येथे राज्य गुप्तचर विभागात कार्यरत असलेले पोलीस निरीक्षक सुभाष दुधाळ यांचा मृतदेह सकाळी परळी रेल्वे स्थानक परिसरातील उड्डाणपुलाखालील रेल्वे रुळावर आढळून आला. शुक्रवार रात्रीनंतर पोलीस निरीक्षक दुधाळ हे रेल्वे गाडीखाली आल्याची प्राथमिक माहिती मिळाली.
मृतदेहाची ओळख पटली असून पोलीस निरीक्षक सुभाष दुधाळ यांचाच असल्याची खात्री झाली आहे. मृत सुभाष दुधाळ हे मूळचे (रा. अंकले ता. जत, जिल्हा सांगली) येथील आहेत. वर्ष २००९-२०१० मध्ये जत तालुक्यातील अंकले गावचे ते पहिले एमपीएससीतून पीएसआय झाले होते. त्यांच्या मृतदेहाचे दोन तुकडे झाले आहेत. त्यांच्या पश्चात आई, वडील, पत्नी, एक मुलगा-मुलगी तसेच भावाची पत्नी आणि मुले असा परिवार आहे. मात्र या घटनेमुळे पोलीस दलासह जिल्ह्यात खळबळ उडाली आहे. पोलीस निरीक्षक दुधाळ स्वतःचे जीवन संपवल्याची धक्कादायक माहिती देखील समोर आली आहे.
मृतदेहाजवळ सापडली चिठ्ठी
या मृतदेहाजवळ एक चिठ्ठी सापडली असल्याचे पोलिसांनी सांगितले आहे. या चिठ्ठीच्या अनुषंगानेच या मृत्यू मागचे कारण समोर येणार असल्याचे बोलले जात आहे. राज्य गुप्तचर विभागातील पोलीस निरीक्षकाचा मृतदेह रुळावर दोन तुकड्याच्या अवस्थेत आढळून आल्यामुळे नागरिकात मोठी खळबळ उडाली आहे.
