धरणगाव (प्रतिनिधी) भरधाव दुचाकीची धडक दिल्याने एक मेंढपाळ ठार झाल्याची दुर्घटना दि. १९ रोजी धरणगाव-चोपडा रोडवर घडली. तुळशीराम अण्णा कोळपे (वय ३० वर्ष रा. नवलाणे, पो. मेहरगांव ता.जि.धुळे), असे मयत मेंढपाळचे नाव आहे.
या संदर्भात शरद गोरख कोळपे (वय ३३ वर्ष धंदा खाजगी नोकरी, रा. नवलाणे पो. मेहरगांव ता.जि.धुळे) यांनी दिलेल्या फिर्यादीत म्हटले आहे की, तुळशीराम कोळपे बकऱ्या चारत होते. दि. १९ रोजी दुपारी १२ वाजेच्या सुमारास तुळशीराम कोळपे हे चोपडा रोडवरून बकऱ्या नेत होते. त्याचवेळी मोटर सायकल (क्र. एम.एच. १९- बी.वाय.-६९०५) वरील चालक नाव-गाव माहित नाही, याने त्याच्या ताब्यातील मोटर सायकल भरधाव वेगात चालवित आणून तुळशीराम कोळपे यांना मागून जोराने ठोस मारली. यामुळे गंभीर दुखापत झाल्यामुळे त्यांचा मृत्यू झाला. याप्रकरणी मोटर सायकल (क्र. एम.एच. १९- बी.वाय.-६९०५) वरील अज्ञात चालकाविरुद्ध गुन्हा दाखल करण्यात आला असून पुढील तपास पो.नि. उद्धव ढमाले यांच्या मार्गदर्शनाखाली पो.हे.काँ. ईश्वर शिंदे हे करीत आहेत.
