जळगाव (प्रतिनिधी) येथील शासकीय वैद्यकीय महाविद्यालय व रुग्णालयात परिचारक म्हणून कार्यरत असलेल्या एका तरुणाने बीड जिल्ह्यातील एका डॉक्टर तरुणीवर लग्नाचे आमीष देऊन पाच वर्षे अत्याचार केला. अत्याचारानंतर पिडीत तरुणी गर्भवती राहिल्यानंतर पाळधीतील एका रुग्णालयात गर्भपात केला. धक्कादायक म्हणजे परिचारकाचे लग्न झाल्यानतंरही त्याने आपल्याला जळगावात आणून हातपाय बांधून अत्याचार केल्याचा आरोप पिडीत तरुणीने केला आहे.
संपत लक्ष्मण मल्हाड (मुळ रा.दरिबडची, ता.जत, जि.सांगली) असे परिचारकाचे नाव आहे. पिडीत तरुणी उस्मानाबाद येथे नोकरीस असताना प्रशिक्षणासाठी सांगली येथे गेली होती. या दरम्यान तीची संपत मल्हाड या तरुणाशी ओळख झाली. ओळखीनंतर त्याने लग्नाची मागणी घातल्याने दोघांच्या भेटीगाठी हावुन संपतने या तरुणीसोबत बळजबरी करुन शरीर संबध प्रस्तापीत केले. लग्न तुझ्याशीच करेन असे वारंवार आश्वासने देत वेगवेगळे कारणे देत सतत पाच वर्षापासुन या तरुणीकडून पैसे उकळत राहिला. अत्याचारातून पिडीत तरुणी गर्भवती झाल्याने त्याने तीला जळगावात बोलावून पाळधी येथील एका रुग्णालयात गर्भपात करवून घेतला. यानंतर मागील वर्षी मार्चमध्ये लग्न केल्यानतंर या पिडीतेने त्याच्यासोबत असलेले संबंध तोडले.
लग्न झाल्यानतंर देखील संपतने तीच्या गावी जाऊन प्रेमसंबधाबाबत लोकांना सांगण्याची धमकी दिली. या धमकीला घाबरुन तरुणी त्याच्या सोबत संपर्कात राहत होती. संपत तिला भेटण्यासाठी तगादा लावत होता. सप्टेबर २०२० मध्ये औरंगाबाद येथे बोलावून घेत पुन्हा अत्याचार केले. यानंतर ६ सप्टेबर २०२१ रोजी संपतने तरुणीस जळगावात बोलावून घेतले. पांडे डेअरी चौकातील मैत्रीणीच्या रुमवर घेऊन गेला. तेथे त्याने थेट हात-पाय बांधून तिच्यावर अत्याचार केले. तिला जीवेठार मारण्याची धमकी दिली. यानंतर एका खासगी वाहनातून तरुणीस बीड येथे मुळगावी सोडून आला.
पिडीतेची आर्थीक लूबाडणूकीसह तिच्यावर अत्याचार केल्या प्रकरणी एमआयडीसी पोलिस ठाण्यात तिने तक्रार दिली असून संपत लक्ष्मण मल्हाड याच्या विरुद्ध गुन्ह्याची नोंद करण्यात आली आहे. तपास सहाय्यक पोलीस निरीक्षक प्रमोद कठोरे हे करीत आहेत.
