मुंबई (वृत्तसंस्था) रश्मी शुक्ला यांनी फक्त राष्ट्रवादीचे नते एकनाथ खडसेंसह (Eknath Khadse) त्यांंच्या स्वीय सहाय्यक आणि जवळच्या एका कार्यकर्त्याचाही फोन टॅप केल्याची माहिती समोर आली आहे. दरम्यान, पोलिस चौकशीत खडसेंनी त्यांचे फोन टॅप केल्याप्रकरणी नाराजी व्यक्त केली असून हा आपल्या खासगी आयुष्यात डोकवण्याचा प्रयत्न झाल्याचे त्यांनी सांगितलं आहे.
अनेकदा बड्या नेत्यांच्या व्यस्त शेड्युलमध्ये खासगी फोन हा स्वीय सहाय्यकाकडे असतो. तसंच राजकीय पुढाऱ्यांशी बोलण्याआधी अनेकजण आधी स्वीय सहाय्यकांकडून संबधित पुढाऱ्याबाबतची विचारपूस करतात त्यामुळेच खडसेंच्याही स्वीय सहाय्यक आणि जवळच्या व्यक्तीचे फोन टॅप केल्याचा संशय पोलिसांना आहे. या प्रकरणी रश्मी शुक्ला यांचा जबाब नोंदवल्यानंतर खडसे यांना दोन दिवसांनी जबाब नोंदवण्यासाठी बोलवलं होत़ं. मात्र, काही कारणास्तव खडसे हे जळगावमध्ये होते. त्यांनी मुंबईत आल्यानंतर खडसेंनीच पोलिसांना संपर्क साधला.
त्यानुसार खडसें पोलिसांनी जबाब नोंदवण्यासाठी बोलावण्यात आल्याचे सूत्रांनी सांगितले. पोलिस चौकशीत खडसेंनी त्यांचे फोन टॅप केल्याप्रकरणी नाराजी व्यक्त केली असून हा आपल्या खासगी आयुष्यात डोकवण्याचा प्रयत्न झाल्याचे त्यांनी सांगितलं आहे. मात्र, हे करून रश्मी शुक्ला यांना काय मिळणार आहे? या मागे नेमका कुणाचा हात आहे. हे पोलिसांनी शोधण गरजेचं असल्याची खडसेंनी पोलिसांना म्हटल्याचे कळते.
