अडावद ता. चोपडा (प्रतिनिधी) मंगल पोत पॉलीश करून देण्याच्या बहाण्याने महिलेची फसवणूक केल्याप्रकरणी अडावद पोलिसात दोघांविरुद्ध गुन्हा दाखल करण्यात आला आहे.
या संदर्भात अधिक असे की, तालुक्यातील मोहरद येथे ज्योत्सना जगदीश पाटील ह्या वास्तव्यास आहेत. दि. ११ जानेवारी रोजी सकाळी साडेदहा वाजता डिगंबर तुकाराम शेवरे (वय ३८) आणि ईश्वर नारायण शिंदे (वय ४०, दोघं रा. ओझर ता. जामनेर) या दोघांनी ज्योत्सना पाटील यांचा विश्वास संपादन करून त्यांची ४० हजाराची सोन्याची मंगल पोत पॉलीश करुन देतो असे सांगितले.
यानंतर मंगल पोत घेऊन घरातून डबा आणायला सांगितला. त्यानंतर डब्यात काहीतरी पावडर व हळद टाकून २० मिनीटे उघडु नको, असे भासवून फसवणुक केली. या प्रकरणी अडावद पोलिसात वाजता डिगंबर शेवरे आणि ईश्वर शिंदे या दोघांविरुद्ध गुन्हा दाखल करण्यात आला असून पुढील तपास पो.ना. जयदिप राजपूत हे करीत आहेत.
