भुसावळ (प्रतिनिधी) शहरातील मरी माता मंदिवजवळ माजी नगरसेवक संतोष बारसे व त्यांचे मित्र तथा सामाजिक कार्यकर्त सुनील राखुंडे हे कारमध्ये बसले असतांना त्यांच्यावर अचानक गोळीबार झाल्याची घटना रात्री ९.३० वाजेच्या सुमारास घडली. या हल्ल्यात दोघांचा जागीच मृत्यू झाला.
गोळीबार करून दहशत माजवण्याचा प्रयत्न?
भुसावळ शहरातील जळगाव नाक्यावरील जुना सातारा परिसरातील मरीमाता मंदिरासमोर काही अज्ञात हल्लेखोरांनी संतोष तथा बारसे आणि त्यांचे मित्र तथा दिनेश राखुंडे या दोघांवर गोळीबार केल्यानंतर भुसावळ शहर हादरले. यामुळे शहरात तणावपूर्ण वातावरण निर्माण झाले होते. या घटनेनंतर घटनास्थळी शहर पोलिस कर्मचाऱ्यांनी चोख बंदोबस्त ठेवला होता. दरम्यान, खूनी हल्ला चढवण्यापूर्वी भारत नगर परिसरात गोळीबार करून दहशत माजवण्याचा प्रयत्न ही हल्लेखोरांनी केल्याचे कळते.
भुसावळकडे येत असतांना झाडल्या गोळ्या !
संतोष बारसे आणि त्यांचे मित्र दिनेश राखुंडे हे दोघे त्यांच्या चारचाकी वाहनाने (एमएच १९, ईजी ०१८७) ने भुसावळकडे निघाले होते. त्यावेळी त्यांच्या गाडीवर काही अज्ञात हल्लेखोरांनी गोळीबार केला. हल्लेखोरांची संख्या मात्र समजू शकली नाही. या दोघांवर हल्ला केल्यानंतर दोघं जखमींना उपचारासाठी शहरातील डॉ. मानवतकार यांच्या खासगी रुग्णालयात दाखल केले होते. परंतु, दोघांची प्रकृती चिंताजनक असल्याने त्यांना जळगाव येथील जिल्हा शासकीय महाविद्यालय व रुग्णालयात दाखल केले होते. दरम्यान, हा हल्ला नेमका कोणत्या कारणावरून झाला, त्याचे कारण उशिरापर्यंत स्पष्ट होऊ शकले नाही.
जिल्हा सामान्य रुग्णालयात पोलिसांचा चोख बंदोबस्त
गेल्या अनेक दिवसांपासून भुसावळ शहरातील गुन्हेगारी क्षेत्रात शांतता राहिल्यानंतर आज पुन्हा एकदा गोळीबाराने भुसावळ हादरले. या दुर्दैवी घटनेत माजी नगरसेवक संतोष बारसे तसेच सामाजिक कार्यकर्ते सुनील राखुंडे यांचा मृत्यू झाला आहे. घटनास्थळी अप्पर पोलीस अधीक्षक अशोक नखाते, उपविभागीय पोलीस अधिकारी कृष्णकांत पिंगळे, सपोनि गजानन पडघम यांच्यासह वरिष्ठ अधिकाऱ्यांनी धाव घेत तपासचक्र वेगाने फिरवली. यातील दोघांना जिल्हा सामान्य रुग्णालयात आणल्यानंतर जळगाव येथील शासकीय वैद्यकीय महाविद्यालय व रुग्णालयात पोलिसांचा चोख बंदोबस्त तैनात करण्यात आला होता. दरम्यान, जिल्हा रुग्णालयात दोघांच्या नातेवाईकांनी आक्रोश केला. याठिकाणी रात्री उशिरापर्यंत तणावपूर्ण शांतता होती.
