धरणगाव (प्रतिनिधी) तालुक्यात भरडधान्याची शासकीय खरेदीची नोंदणी पाळधी येथे सुरू आहे. हे नोंदणी केंद्र तालुक्याच्या ठिकाणी अर्थात धरणगाव येथे सुरू करणे गरजेचे आहे. कारण धरणगाव लगत अनेक लहान मोठे गावे जवळ असून तेथील शेतकऱ्यांना धरणगावात नोंदणी साठी येणे सोयीचे होईल. तसेच शेतीचे कामे सोडून पाळधी येथे फक्त नोंदणी साठी जाणे येणे शेतकऱ्यांना परवडणारे नाही. त्यामुळे भरडधान्य शासकीय खरेदी केंद्र धरणगावात सुद्धा सुरू करावे असे निवेदन भाजपने तहसीलदार नितीन देवरे यांना नुकतेच दिले आहे.
निवेदन देतांना भाजपचे ज्येष्ठ नेते शिरीषआप्पा बयस,ओबीसी जिल्हाध्यक्ष अँड.संजय महाजन, तालुकाध्यक्ष जिजाबराव पाटील, अँड.वसंतराव भोलाने, प्रकाशदादा सोनवणे, ओबीसी तालुकाध्यक्ष सुनील चौधरी, शहराध्यक्ष दिलीप महाजन, गटनेते कैलास माळी, शरद अण्णा धनगर, युवा मोर्चा तालुकाध्यक्ष निर्दोष पाटील, कन्हैया रायपूरकर, राजू महाजन, मधुकर पाटील, विशाल पाटील, इत्यादी भाजपचे पदाधिकारी उपस्थित होते.
