धरणगाव (प्रतिनिधी) माझी लाडकी बहिण योजनेअंतर्गत ग्रामीण भागातील महिलांना अडचणींचा सामना करावा लागू नये, यासाठी धरणगाव युवा सेनेचे तालुका उपाध्यक्ष भरत सैदाणे यांनी आज धरणगाव नायब तहसीलदारांना निवेदन दिले आहे.
मुख्यमंत्री लाडकी बहिण योजनेअंतर्गत ग्रामीण भागातील सर्व तलाठी यांना पूर्णवेळ थांबून लागणाऱ्या कागदपत्रांची पूर्तता करण्यासाठी सर्वसामान्य नागरिकांना सहकार्य करावे. तसेच 50 ते 60 वयोगटातील महिलांना डोमेशियल साठी अडचणी येत आहेत. तरी डोमेशियलची अट रद्द करून आधार कार्ड व शाळा सोडल्याचा दाखला ग्राह्य धरून सामान्य महिलांना सहकार्य करावे, तशा सूचना सेतू सुविधा केंद्र ऑफलाइन ऑनलाइन फॉर्म भरतात त्या ठिकाणी देण्यात यावे, असे निवेदन धरणगाव युवा सेनेचे तालुका उपाध्यक्ष भरत सैदाणे यांनी आज दिले आहे.
