धरणगाव (प्रतिनिधी) एकशे सात वर्षाची उज्ज्वल परंपरा असलेल्या महाराष्ट्रातील नामवंत शतकोत्तरी पी. आर. हायस्कूलच्या पर्यवेक्षिका तथा इंग्रजी विषयाच्या तज्ज्ञ शिक्षिका डॉ. सौ. आशा चंद्रकांत शिरसाठ यांना टिळक महाराष्ट्र विद्यापीठाने आज इंग्रजी या विषयात विद्यावाचस्पती पदवी (पीएचडी) घोषित केली.
डॉ. सौ. आशा शिरसाठ यांनी पीएचडीसाठी ‘Thematic Study of V S Naipaul’s Select Novel’s A Way Into the World’ (An Enigma of Arrival, Half a life, Magic Seeds ) या विषयावर टिळक महाराष्ट्र विद्यापीठात प्रबंध सादर केला होता. या प्रबंधावर विद्यापीठाचे अधिष्ठाता डॉ. सौ.गोखले यांच्या अध्यक्षतेखाली डॉ. चित्रा अय्यर, डॉ. गौतमी पवार, डॉ. मलिक आणि डाॅ. खरे यांच्या समितीने व्हायवा घेतला आणि पीएचडी जाहीर केली. डॉ. आशा शिरसाठ यांनी डॉ. सुभाष भनके यांच्या मार्गदर्शनाखाली संशोधन केले. डॉ. सौ. आशा शिरसाठ यांच्या या यशाबद्दल पी. आर. हायस्कूल सोसायटीचे अध्यक्ष बापूसाहेब डॉ.अरूण कुलकर्णी, उपाध्यक्ष नानासाहेब वसंतराव गालापुरे, मानद सचिव दादासाहेब डॉ. मिलिंद डहाळे, संचालक भाऊसाहेब अजय पगारीया, नानासाहेब सतीशचंद्र परिहार, निनाताई पाटील, मुख्याध्यापक डॉ. संजीवकुमार सोनवणे, प्राचार्य डॉ. टी. एस. बिराजदार, उपमुख्याध्यापक आर. के. सपकाळे, सर्व शिक्षक बंधू भगिनी आणि शिक्षकेतर कर्मचारी वर्गाने अभिनंदन केले आहे. पी.आर.हायस्कूलमध्ये याआधी मुख्याध्यापक डॉ. संजीवकुमार सोनवणे, शिक्षिका डॉ. सौ. वैशाली गालापुरे यांना कवयित्री बहिणाबाई चौधरी उत्तर महाराष्ट्र विद्यापीठातर्फे पीएचडी पदवी मिळालेली असून आता हायस्कूलमध्ये तीन शिक्षक पीएचडी प्राप्त झालेली पी.आर.हायस्कूल ही महाराष्ट्रातील एकमेव शाळा आहे.
