जळगाव (प्रतिनिधी) तालुक्यातील मन्यारखेडा शिवारातील एमआयडीसीतून शेतीचे साहित्य व कंपनीतील वस्तू चोरुन त्यांच्या विक्रीतून मौजमजा करणाऱ्या संशयीतास अटक करण्यात आली आहे. हि कारवाई स्थानिक गुन्हे शाखेच्या पथकाने केली असून चोरट्याविरुद्ध नशिराबाद पोलीस ठाण्यात गुन्हा दाखल करण्यात आला आहे.
यासंदर्भात अधिक असे की, जळगाव तालुक्यातील मन्यारखेडा शिवारात एमआयडीसी भागातून शेतीसाठी लागणारे साहित्य तयार करण्याची कंपनीतून ६ एप्रिल २०२१ ते २७ एप्रिल २०२१ दरम्यान महागडे साहित्य चोरीस गेल्याप्रकरणी एमआयडीसी पोलीसात अज्ञात व्यक्तीविरोधात गुन्हा दाखल करण्यात आला होता. गुन्हा दाखल झाल्यानंतर स्थानिक गुन्हे शाखेचे पथकाने संशयित आरोपी अरविंद ऊर्फ आरो अरूण वाघोदे (वय-२५ रा. सुप्रिम कॉलनी, नितीन साहित्या नगर, जळगाव) याला काल ३ ऑगस्ट रोजी पहाटे राहत्या घरातून अटक केली. त्याच्याजवळून ७ हजाराची रोकड जप्त करण्यात आली आहे. याप्रकरणी पुढील कारवाईसाठी नशिराबाद पोलीस ठाण्याच्या ताब्यात देण्यात आले आहे.
यांनी केली कारवाई
स्थानिक गुन्हे शाखेचे पोलीस निरीक्षक किरण कुमार बकाले यांनी पथक तया करून विजयसिंग पाटील, जितेंद्र पाटील, सुधाकर आंभोरे, नितीन बाविस्कर, प्रीतम पाटील, राहूल पाटील यांनी कारवाई केली.
