गाझियाबाद (वृत्तसंस्था) गाझियाबादमधील एका नवरदेवाने लग्न करण्यासाठी तब्बल १० लाख रुपयांचा हुंडा मागीतला. अन्यथा लग्न करणारच नाही अशी भर मांडवात त्याने धमकी दिली. मात्र हा प्रकार पाहून मुलीकडचे वराती संतापले अन् त्यांनी नवऱ्यासकट त्याच्या कुटुंबीयांची जोरदार धुलाई केली. त्यांना अक्षरश: लाथा-बुक्क्यांनी तुडवलं. त्यावेळी त्याचे कुटुंबीय त्याला वाचवण्याचा प्रयत्न करत होते. मात्र त्यांना देखील चप्पलांचा मार खावा लागला.
समोर आलेल्या माहितीनुसार, लग्नाआधीच मुलीच्या कुटुंबीयांनी तब्बल ३ लाख रुपये रोख आणि १ लाख रुपयांची हिऱ्याची अंगठी नवरदेवाला दिली होती. परंतु नवरदेवाकडच्या लोकांना आणखी हुंडा हवा होता. मात्र आर्थिक परिस्थिती नसल्यामुळे मुलीच्या पालकांनी भरपूर विनंत्या केल्या. तरी देखील नवरा काही ऐकायला तयार नव्हता. आत्ताच्या आत्ता १० लाख रुपये द्या अन्यथा लग्न मोडतो अशी धमकीच त्याने भर मांडवात दिली. मात्र त्याच्या मनमानीला यावेळी नवरीचे पालक काही बधले नाहीत. त्यांनी पैसे देण्यास साफ नकार दिला.
दरम्यान या भांडणात मग वऱ्हाडी मंडळी देखील पडले. आणि त्यांनी नवऱ्यामुलाची यथेच्च धुलाई केली. त्यावेळी त्याचे कुटुंबीय त्याला वाचवण्याचा प्रयत्न करत होते. मात्र त्यांना देखील चप्पलांचा मार खावा लागला. या घटनेचे व्हिडीओ काढून पोलिसांना देखील दाखवण्यात आले. हुंडा मागणाऱ्या या नवरदेवावर आता कायदेशीर कारवाई केली जाणार आहे. पोलीस चौकशीत काही धक्कादायक सत्य देखील बाहेर पडली. या व्यक्तीने यापूर्वी देखील ३ लग्न केली आहेत. अन् ती देखील त्याने हुंडा मिळवण्यासाठीच केली होती. शिवाय त्याला दारूचं व्यसन देखील आहे. परिणामी उर्वरीत आयुष्य आता त्याला तुंरुंगातच घालवावं लागेल अशी शक्यता वर्तवण्यात येत आहे.
